قازاقستاندا ەكسترەميزمگە پراپوگاندا جاساعانى ءۇشىن رەسەيلىك سارگراد تەلەارناسى بۇعاتتالدى.
اقپارات جانە قوعامدىق دامۋ مينيسترلىگىنىڭ مالىمەتىنشە، ارنا ەكسترەميزمدى ناسيحاتتاعاندىقتان بۇعاتتالعان. بۇعان دەيىن سارگرادقا ءتورت نۇسقاۋ بەرىلگەن. ونىڭ سوڭعىسى "قازاق ۇلتشىلدارى جەڭىس كۇنى قارساڭىندا ورىس ايەلدەرىنە ۇرەي تۋعىزدى" دەگەن شىعارىلىمعا قاتىستى بولعان.
ءقازىر ارنا سايتى بۇكىل ەل بويىنشا بۇعاتتالعان. سارگراد رەسەيلىك كونسەرۆاتيۆتى ارنا رەتىندە بەلگىلى. ونىڭ نەگىزىن قالاۋشى، پراۆوسلاۆتىق وليگارح كونستانتين مالوفەيەۆ دونباسستاعى جاۋىنگەرلىك قۇرامالاردى قارجىلاندىرعانى ءۇشىن حالىقارالىق ىزدەۋدە ءجۇر. سونىمەن قاتار ول ەو مەن اقش-تىڭ سانكسيالىق تىزىمىندە دە بار.
پىكىر قالدىرۋ