"ارسەلورميتتال تەمىرتاۋ" اق-عا قاراستى "قازاقستان" شاحتاسىندا تاعى ءبىر كەنشىنىڭ ءمايىتى تابىلدى.

شاحتادا بولعان 227 ادامنىڭ 222ء-سى جەر بەتىنە شىعارىلعان بولاتىن. كەشە ءبىر ادامنىڭ ءمايىتى تابىلعانى حابارلانعان ەدى.

18 ماۋسىمدا «كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى» ج ش س قاراعاندى وبلىستىق فيليالى ديرەكتورىنىڭ ءبىرىنشى ورىنباسارى گەنناديي سيلينسكيي ءتۇنى بويى ءتورت بولىمشە كۇشىمەن كەنشىلەردى ىزدەۋ جۇمىستارى جۇرگىزىلگەنىن ايتتى.

"ءورت ءسوندىرۋ بويىنشا جۇمىستار جۇرگىزىلدى. ءىس-شارا كەزىندە تاۋ-كەن قۇتقارۋ بولىمشەلەرى ەكىنشى زارداپ شەگۋشىنى انىقتادى. وكىنىشكە قاراي ول قايتىس بولعان. ءقازىر ونىڭ ءمايىتىن جەر بەتىنە ەۆاكۋاسيالاۋ جۇمىستارى جۇرگىزىلىپ جاتىر" - دەدى گەنناديي سيلينسكيي.

قاراعاندى وبلىسى دەنساۋلىق ساقتاۋ باسقارماسىنىڭ حابارلاۋىنشا، 17 تامىزدا ماقاجانوۆ اتىنداعى كوپبەيىندى اۋرۋحاناعا 9 شاحتەر جەتكىزىلدى. ولاردىڭ ەكەۋى جانساقتاۋ بولىمىنەن توكسيكولوگيا بولىمىنە اۋىستىرىلدى. جاعدايلارى اۋىر. قالعان 7 ادام توكسيكولوگيا بولىمىندە جاتىر. جاعدايى ءبىرقالىپتى.

18 تامىزداعى جاعداي بويىنشا ايماقتىڭ مەديسينالىق مەكەمەلەرىندە زارداپ شەككەن 13 كەنشى بار.