بيىل شىلدە ايىنىڭ قورىتىندىسى بويىنشا، ءبىر جىلدا كىتاپ پەن كەڭسە تاۋارلارى بىردەن 44،7% قىمباتتادى.

ونىڭ ىشىندە كىتاپتار 15%، شەت ءتىلىنىڭ سوزدىكتەرى 15% قىمباتتادى. كەڭسە تاۋارلارى 64،4% قىمباتتادى، ونىڭ ىشىندە ا4 قاعازى – 99،6%، مەكتەپ داپتەرى – 77،2%، سۋرەت داپتەرى – 44،1%، ءتۇرلى-تۇستى قارىنداشتار جيىنتىعى – 41،9%، شاريكتى قالام – 38،6% قىمباتتاعان. بۇل تۋرالى informburo.kz جازدى.

وڭىرلەر بويىنشا كىتاپ پەن كەڭسە تاۋارلارى ەڭ قىمبات قالا – استانا. ەلوردادا كىتاپ پەن كەڭسە تاۋارلارى 76،2% قىمباتتاعان. ودان كەيىن اقتوبە (68،5%)، باتىس قازاقستان (60،1%)، اقمولا (59،1%) جانە شىعىس قازاقستان (58،3%) وبلىستارىندا دا ايتارلىقتاي قىمباتتادى.

رەسمي ستاتيستيكا بويىنشا، بىلتىر ءار وتباسى گازەت، كىتاپ جانە كەڭسە تاۋارلارىنا 8 مىڭ تەڭگە جۇمساعان، بۇل 2021 جىلمەن سالىستىرعاندا 45،6% ارتىق.