قازاقستان تەمىرجولمەن بيداي اكەلۋگە جارتى جىلعا تىيىم سالدى. ءۇشىنشى ەلدەر مەن ەۋرازيالىق ەكونوميكالىق وداق (ەاەو) ەلدەرىنەن تەمىرجولمەن بيداي يمپورتتاۋعا تىيىم سالۋ شارالارى كەڭەيتىلەدى.
بۇل تىيىم التى اي بويى ارەكەت ەتەدى، بۇيرىق جوباسى "اشىق نقا"پورتالىندا جاريالاندى. ول 2023 جىلدىڭ 1 قىركۇيەگىنە دەيىن قوعامدىق تالقىلاۋدا بولادى.
بۇيرىقتا تەمىرجولمەن بيداي يمپورتتاۋعا ليسەنزياسى بار ەليەۆاتورلارعا، استىق وڭدەۋشىلەر مەن قۇس شارۋاشىلىعى كاسىپورىندارىنا عانا رۇقسات بەرىلەتىنى اتالىپ وتكەن.
سونىمەن قاتار اۆتوموبيل كولىگىمەن استىق اكەلۋگە سالىنعان تىيىم 6 ايعا ۇزارتىلادى. شەشىم استىق نارىعىنىڭ ىشكى تۇراقتىلىعىن ساقتاۋعا باعىتتالعان، دەپ ءتۇسىندىردى اۋىل شارۋاشىلىعى مينيسترلىگى.
پىكىر قالدىرۋ