21 تامىزدا جوعارعى سوت "تەرروريزم" بابىمەن جەتى جىلعا سوتتالعان بەلسەندى ەرۇلان ءامىروۆتىڭ شاعىمىن سوت القاسىنىڭ قاراۋىنا جىبەرۋدەن باس تارتتى.
بۇل تۋرالى ازاتتىق راديوسى حابارلادى.
"سوت اكتىلەرىن قايتا قاراۋعا نەگىزدەردىڭ بولماۋىنا بايلانىستى ادۆوكات دوسقارايەۆتىڭ، سوتتالۋشى ءامىروۆتىڭ ءوتىنىشحاتى كاسساسيالىق سوت وتىرىسىنىڭ قارالۋىنا بەرۋدەن باس تارتىلدى" – دەدى سۋديا.
مۇنى ەستىگەن ءامىروۆتىڭ جاقتاستارى "ماسقارا!" دەپ ايقايلادى. جوعارعى سوت قىزمەتكەرلەرى ولاردان سوت زالىن بوساتۋدى تالاپ ەتتى.
ءامىروۆتىڭ اناسى ءشاريپا نيازبەكوۆا "ءادىل شەشىم كۇتتىم" دەپ جىلاپ، كونستيتۋسيالىق سوتقا شاعىم جازاتىنىن ايتتى
پىكىر قالدىرۋ