ەرتەڭ اەس قۇرىلىسىنا قاتىستى قوعامدىق تىڭدالىم وتەدى.
تىڭدالىم الماتى وبلىسى، جامبىل اۋدانى، ۇلكەن اۋىلىنىڭ ورتا مەكتەبىندە بولادى. شارا ساعات 11:00 دە باستالادى. جيىنعا قاتىسۋشىلاردىڭ وزىمەن بىرگە جەكە كۋالىگى بولۋى كەرەك.
ەنەرگەتيكا مينيسترلىگىنىڭ حابارلاۋىنشا، اەس سالۋعا ەڭ قولايلى اۋماق رەتىندە ۇلكەن اۋىلى تاڭدالعان.
ەسكە سالا كەتەيىك، ەلىمىزدە اەس سالۋعا قاتىستى قوعامدىق پىكىر ەكىگە جارىلعان بولاتىن. سوعان بايلانىستى ەل پرەزيدەنتى رەفەرەندۋم جاساۋعا ۋادە بەرگەن ەدى. 2022 جىلدىڭ قاراشاسىندا اەس قۇرىلىسىنا فرانسۋزدىق Assystem كومپانياسى كومەكتەسەتىنى ايتىلدى. ەلەكتر ستانسياسىنىڭ قۋاتى 2،8 مىڭ مۆت-قا دەيىن جەتەدى.
پىكىر قالدىرۋ