جامبىل وبلىسىندا اسكەري بورىشى وتەۋگە كەتكەن سارباز كوماعا تۇسكەن. ساربازدىڭ كوز جانارى سەمىپ، وزگە دە اعزالارى سىر بەرگەن.
ۇلتتىق قاۋىپسىزدىك كوميتەتىنە قاراستى شەكارا قىزمەتىنىڭ جامبىل وبلىسىنداعى باسقارماسىندا اسكەري بورىشىن وتەپ جاتقان احمەتالى جادىگەردىڭ دەنساۋلىعىنا ءقاۋىپ ءتونىپ تۇر. بۇل تۋرالى ينفورمبيۋرو جاڭالىقتار قىزمەتىنە سىلتەمە جاساپ، informburo.kz پورتالى حابارلادى.
اسكەرگە بارعانىنا ءبىر اي بولماي جاتىپ اۋرۋحاناعا تۇسكەن ساربازدىڭ جاعدايى اۋىر. ساربازدىڭ اناسى بۇل جاعدايعا "بولماشى اۋرۋدى اسقىندىرىپ العان اسكەري ءبولىمنىڭ دارىگەرلەرى كىنالى" دەپ ەسپتەيتىنىن ايتتى.
ساربازدىڭ اۋرۋى انگينادان باستالعان. اۋرۋى اسقىننان كەيىن كوماعا ءتۇسىپ، الماتىداعى اسكەري گوسپيتالعا اۋىستىرعان. وندا دا جاعداي ۋشىعىپ، تەرىسى ءشىرىپ، وكشەسى تەسىلىپ قالعان. سارباز كوزىنە وتا جاساتىپ، ءقازىر كارديولوگيالىق بولىمگە اۋىسقان.
ال اسكەري ءبولىم باسشىلارى گوسپيتالعا جەتكەننەن كەيىن ساربازدىڭ ومىرىنە جاۋاپ بەرمەيتىنىن ايتىپ وتىر.
پىكىر قالدىرۋ