تۇركىستان وبلىسى وتىرار اۋدانىندا سىرداريا وزەنىنە شومىلۋعا بارعان 11 ادام سۋعا باتىپ وپات بولدى.
وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى وقىس وقيعا 21 تامىزدا تۇستەن كەيىن كوكساراي ەلدى مەكەنىنەن ءۇش شاقىرىمداي جەردە بولعان دەپ حابارلادى.
قۇتقارۋشىلار دارياعا باتىپ مەرت بولعان سەگىز ادامدى سۋدان شىعارعان، ونىڭ التاۋى – كامەلەت جاسىنا تولماعان بالا. ءۇش ادام (ەكەۋى كامەلەتكە تولماعان) ءالى ىزدەستىرىلىپ جاتىر. بۇل تۋرالى ازاتتىق راديوسى جازدى.
تۇركىستان وبلىسى اكىمدىگىنىڭ مالىمەتىنشە، قازا بولعاندار – كوكساراي اۋىلىندا تۇراتىن ءتورت اعايىندى وتباسىنىڭ مۇشەلەرى. سۋعا شومىلۋعا بارلىعى 20 ادام بارعان.
پىكىر قالدىرۋ