"ارسەلورميتتال تەمىرتاۋ" شاحتاسىندا ءورت ءسوندىرۋ جۇمىستارى ءالى دە ءجۇرىپ جاتىر. توتەنشە جاعدايلار ءمينيسترى سىرىم ءشارىپحانوۆ ءورتتىڭ قاشان تولىق سوندىرىلەتىنىن تاپ باسىپ ايتا المايتىنىن مالىمدەدى.
مينيستر باستاپقىدا شاحتادا ترانسپورتەرلىك تاسپا جانىپ، ودان وت كومىر قاباتتارىنا جايىلعانىن حابارلادى. سول سەبەپتى ءورت ءسوندىرۋ جۇمىستارى ۇزاققا سوزىلعان. بۇل تۋرالى Ulysmedia.kz باسىلىمى جازدى.
"ءورتتى ءسوندىرۋ وڭاي ماسەلە ەمەس، قۇتقارۋشىلار تىنىس الۋعا جارامسىز ورتادا، جوعارى تەمپەراتۋرادا جۇمىس ىستەپ جاتىر. بۇل جەر بەتىندەگى ەمەس ءورتتى ءسوندىرۋ. شاحتادا بۇل وتە قيىن، ارنايى تەحنولوگيالار، ەرەجەلەر بار"، - دەدى ول.
ەسكە سالا كەتەيىك، 17 تامىزدا "ارسەلورميتتال تەمىرتاۋعا" قاراستى "قازاقستان" شاحتاسىندا كونۆەيەر لەنتاسى ورتەندى. ءورت كەزىندە جەر استىندا بارلىعى 227 جۇمىسشى بولعان.
شاحتاداعى ورتتەن شىعا الماي قالعان بەس كەنشى قازا تاۋىپ، "ارسەلورميتتال تەمىرتاۋ" ازا تۇتۋ كۇنىن جاريالاعان بولاتىن.
پىكىر قالدىرۋ