استانا قالالىق سوتىندا قايرات بورانبايەۆتىڭ ءىسى بويىنشا اپەللياسيالىق كەلىسىم قارالدى. سوتتا نازاربايەۆتىڭ بۇرىنعى قۇداسى قايرات بورانبايەۆ ءوز كىناسىن مويىندايتىنىن مالىمدەدى.
"سوتتالۋشى كىنانى مويىنداۋ ارقىلى پروسەسسۋالدىق مامىلە جاساۋعا جانە قىلمىستىق ءىس بويىنشا كەلتىرىلگەن زياندى ەرىكتى تۇردە وتەۋگە ءوتىنىش بىلدىرەدى"،– دەدى بورانبايەۆتىڭ ادۆوكاتى.
سوت وتىرىسى بار-جوعى 15 مينۋتقا سوزىلعان. وزگە سوتتالۋشىلار ناحانوۆ پەن جانۇزاقوۆ قايرات بورانبايەۆقا قوسىلاتىن ايتتى. بورانبايەۆتىڭ ءوىنىشىن بارلىق قورعاۋشىلار قولدادى.
اتالعان ماسەلە كەلەسى وتىرىستا قارالادى، ءبىراق كەلەسى سوت وتىرىسى قاي كۇنى وتەتىنى بەلگىسىز.
ەسكە سالا كەتەيىك، ناۋرىز ايىندا بورانبايەۆ سۇيىتىلعان مۇناي گازىن ساتىپ الۋ بارىسىندا 14،5 ميلليارد تەڭگە جىمقىردى دەگەن ايىپ تاعىلىپ، 8 جىلعا باس بوستاندىعىنانا ايىرىلعان بولاتىن.
بورانبايەۆتىڭ سەنىمدى وكىلى رومان ناحانوۆ پەن "QazaqGaz" ۇك اق باسقارما ءتوراعاسىنىڭ بۇرىنعى ورىنباسارى تايىر جانۇزاق تا 8 جىلعا سوتتالعان ەدى.
پىكىر قالدىرۋ