الماتى قالاسىندا ەلەكتروندى تەمەكىنىڭ 55 مىڭ داناسى تاركىلەندى، دەپ حابارلايدى قارجىلىق مونيتورينگ اگەنتتىگى.
جەدەل-ىزدەستىرۋ ءىس-شارالارى بارىسىندا قالادا ەلەكتروندى تەمەكىنى زاڭسىز كوتەرمە باعامەن ساتقان ساۋدا جانە قويما ءۇي-جايلارى انىقتالدى ءتىنتۋ كەزىندە جالپى سوماسى 80 ملن تەڭگەدەن اساتىن ۆەيپتەر تابىلدى. ەلەكتروندى تەمەكىنىڭ 55 مىڭ داناسى تاركىلەندى. قازىرگى كەزدە سوتقا دەيىنگى تەرگەۋ شارالارى باستالدى.
"عالىمداردىڭ زەرتتەۋلەرى بويىنشا، ۆەيپتەردى قولدانۋ جاسوسپىرىمدەردىڭ دامۋىنا كەرى اسەرىن تيگىزەتىنىن، ەستە ساقتاۋ، زەيىندى شوعىرلاندىرۋ، ءوزىن-وزى باقىلاۋ جانە وقۋ قابىلەتىنە زياندى اسەر ەتەتىنىن ەسكە سالامىز"، - دەيدى اگەنتتىك ماماندارى.
پىكىر قالدىرۋ