قىرعىزستان قازاقستان شەكاراسىنداعى جاعدايعا بايلانىستى ەۋرازيالىق ەكونوميكالىق كوميسسياعا (ەەك) جۇگىندى. سوعان بايلانىستى 24 تامىز كۇنى ەۋرازيالىق ەكونوميكالىق كوميسسيانىڭ مونيتورينگ توبى قىرعىز-قازاق شەكاراسىندا بولعان.
"قىرعىزستان تاراپى مونيتورينگتىك توپقا قازاقستاندىق وتكىزۋ پۋنكتتەرىنىڭ جۇمىسى ايتارلىقتاي تومەندەۋىنە بايلانىستى كەپتەلىس بولىپ جاتقانىن حابارلادى"– دەپ جازدى ەەك.
ال قازاقستان تاراپى جۇك ماشينالارىنىڭ وتكىزىلۋىن ەكى-ۇش ماشينادان ساعاتىنا سەگىز-توعىز ماشيناعا دەيىن ۇلعايتقانىن حابارلاندى. ەۋرازيالىق ەكونوميكالىق كوميسسيا جاعدايدى باقىلاۋدا ۇستاماق.
ەسكە سالايىق، بىرنەشە كۇننەن بەرى قازاق-قىرعىز شەكاراسىندا جۇك كولىكتەرى قاڭتارىلىپ تۇر. جۇرگىزۋشىلەر جۇك كولىكتەرىنىڭ قازاقستانعا كىرگىزىلمەۋ سەبەبىنە قاتىستى ءتۇرلى نۇسقا ايتادى. ءبىراق كەپتەلىسكە بايلانىستى رەسمي مالىمدەمە جاسالعان جوق.
پىكىر قالدىرۋ