بۇگىن تيمۋر سۇلەيمەنوۆ ۇلتتىق بانك ءتوراعاسى قىزمەتىنە تاعايىندالدى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ ۇلتتىق بانك ءتوراعاسى لاۋازىمىنا تيمۋر مۇرات ۇلى سۇلەيمەنوۆتىڭ كانديداتۋراسىن ۇسىنعان. سەنات دەپۋتاتتارى پرەزيدەنتتىڭ كانديداتۋراسىن قولداپ، كەلىسىم بەردى. ايتا كەتەرى، كونستيتۋسياعا سايكەس، ۇلتتىق بانكتىڭ ءتوراعاسىن قازاقستان پرەزيدەنتى پارلامەنت سەناتىنىڭ كەلىسىمىمەن تاعايىندايدى.
بۇعان دەيىن پرەزيدەنت اكىمشىلىگى باسشىسىنىڭ ورىنباسارى بولىپ قىزمەت اتقانعان تيمۋر سۇلەيمەنوۆ "ماسكەۋدە 5 جىل تۇرىپ قازاق ءتىلىن ۇمىتىپ قالدىم، جارتى جىلدا ۇيرەنەمىن" دەگەن ۋادەسىمەن ەل ەسىندە قالدى. الايدا ۇلتتىق بانك ءتوراعاسى بۇگىن جۋرناليستتەر قويعان سۇراقتارعا قازاق تىلىندە تولىققاندى جاۋاپ بەرە المادى. 5 جىل بۇرىن بەرگەن ۋادەسىن ۇمىتقان سۇلەيمەنوۆتىڭ انا ءتىلىن كاسىبي دەڭگەيدە مەڭگەرمەگەنى بايقالادى.
