الانيادا قازاقستاندىق جۋرناليست ارايلىم نۇعمانوۆا مەن ونىڭ ەكى جاسار قىزى جول اپاتىنان قازا تاپتى. بۇل تۋرالى TRT Haber ارناسى حابارلادى. ءقازىر مارقۇمنىڭ كۇيەۋى اۋرۋحانادا اۋىر جاعدايدا جاتىر.
وقيعا 3 قىركۇيەك كۇنى ماحمۋتلار ايماعىنداعى D-400 گازيپاشا-انتاليا تاس جولىندا بولعان. تۇركيا ازاماتى جۇرگىزىپ وتىرعان سافاري كولىگى ءبىر باعىتتا كەلە جاتقان كولىككە سوقتىعىسقان. كولىۋتە وتىرعان قازاقستاندىق ارايلىم نۇعمانوۆا وقيعا ورنىندا، ال ونىڭ ەكى جاسار قىزى اۋرۋحانادا كوز جۇمعان.
اتىراۋ وبلىسى اكىمىنىڭ ورىنباسارى جاسۇلان بيسەمبييەۆ Facebook الەۋمەتتىك جەلىسىندەگى پاراقشاسىندا مارقۇمنىڭ كۇيەۋى ارايلىم نۇعمانوۆانىڭ اۋرۋحانادا اۋىر حالدە جاتقانىن جازدى.
"انتاليادان سۋىق حابار كەلىپ جاتىر. بەلگىلى جۋرناليست، "زەيىن اتىراۋ" ەرەكشە بالالاردى وڭالتۋ ورتالىعىنىڭ نەگىزىن قالاعان ارايلىم باعىتجان انتالياداعى ءىرى جول اپاتىنا ءتۇسىپ، ومىردەن ءوتتى. ارىپتەسىمىزبەن بىرگە كىشكەنتاي ءسابيى دە و دۇنيەلىك بولدى. جولداسى قيىن جاعدايدا اۋرۋحانادا جاتىر. قازىرگى ۋاقىتتا تۇركياداعى قازاقستان ەلشىلىگىمەن ارادا كەلىسىمدەر جۇرگىزىلىپ، اۋرۋحانادا قيىن جاعدايدا جاتقان باۋىرىمىزدىڭ ءتيىستى ەم الۋىنا جاعداي جاسالۋدا. جەرلەستەرىمىزدىڭ سۇيەگىن ەلگە الدىرۋ بويىنشا جۇمىس جۇرگىزىلۋدە. مارقۇمنىڭ وتباسىنا قايعىرىپ كوڭىل ايتامىن"، – دەپ جازدى جاسۇلان بيسەمبييەۆ.
پىكىر قالدىرۋ