الماتى قالالىق دەنساۋلىق ساقتاۋ باسقارماسى قالاداعى اتىستان زارداپ شەككەندەردىڭ جاعدايى جايلى مالىمدەمە جاسادى. بۇل تۋرالى Ulysmedia.kz. جازدى. 

"ءبىرىنشى ناۋقاستىڭ باسىندا جاراقاتى، ماڭداي سۇيەگىندە سىنىعى بار. سول اياعىنا وق تيگەن. ول نەيروحيرۋرگيا بولىمىنە جاتقىزىلدى. باسىنا وتا جاساۋعا دايىندىق ءجۇرىپ جاتىر. ءقازىر جاعدايى تۇراقتى"، – دەلىنگەن حابارلامادا.

 ال ەكىنشى ناۋقاستىڭ ءىش قۋىسىنا وق ءتيىپ، اۋرۋحاناعا اۋىر  جاراقاتپەن تۇسكەن.

"ەكىنشى ناۋقاس حيرۋرگيا بولىمىندە جاتىر. قول ايماعىنا وق ءتيىپ، كوپ مولشەردە ىشتەي قان كەتۋ بولعان.  ناۋقاستىڭ ىشەك تۇتاستىعىن قالپىنا كەلتىرۋ جانە ىشتەن قان كەتۋدى توقتاتۋ ءۇشىن شۇعىل وپەراسيا جاسالدى. ءقازىر جاعدايى اۋىر"، - دەدى ۆەدومستۆو.

ەسكە سالا كەتەيىك، 3 قىركۇيەككە قاراعان ءتۇنى الماتى ورتالىعىندا اتىس بولىپ، ەكى ادام زارداپ شەكتى. بۇعان دەيىن قالالىق پوليسيا كۇدىكتىلەردىڭ ءبىرى ۇستالعانىن حابارلاعان. وقيعانىڭ كۋاگەرلەرى بەتپەردە كيگەن ءتورت ادام اتىس جاساعانىن ايتتى. قازىرگى ۋاقىتتا پوليسيا تەرگەۋ جۇرگىزىپ جاتىر.