قارجى ۆيسە-مينيسترى ەرجان ءبىرجانوۆ كۇنىنە 150-گە تارتا ادام بانكروت مارتەبەسىن الۋعا ءوتىنىش بەرەتىنىن ءمالىم ەتتى.
ەرجان ءبىرجانوۆتىڭ دەرەگىنشە، 1 قىركۇيەككە دەيىن 10 مىڭعا جۋىق قازاقستاندىقتان وسىنداي ءوتىنىش تۇسكەن. ول زاڭناماعا سايكەس تەكسەرۋ جۇرگىزۋگە التى اي مەرزىم بەرىلگەنىن اتاپ ءوتتى.
"ءبىز ناۋرىز ايىندا ءوتىنىشتى قابىلداپ، بانكروتتىق تۋرالى شەشىمدى بىردەن شىعارا المادىق، ياعني التى اي مەرزىم قاجەت بولدى.بۇل مەرزىم قىركۇيەكتە اياقتالدى، بانكروت دەپ تانۋ ءراسىمى باستالىپ جاتىر. كەشەگى جاعداي بويىنشا 377-دەن استام ادام بانكروت دەپ تانىلدى. كۇن سايىن (ستاتيستيكانى قاداعالاپ وتىرمىن) 100-150 ادام بانكروت مارتەبەسىن الادى"، – دەدى ءبىرجانوۆ سەنات كۋلۋارىندا.
ەسكە سالايىق، پرەزيدەنت توقايەۆ 2022 جىلعى 30 جەلتوقساندا "قازاقستان رەسپۋبليكاسى ازاماتتارىنىڭ تولەم قابىلەتىن جانە بانكروتتىقتى قالپىنا كەلتىرۋ تۋرالى" ق ر زاڭىنا قول قويدى.
2023 جىلدىڭ 3 ناۋرىزىندا ازاماتتاردىڭ بانكروتتىق تۋرالى وتىنىشتەرىن قابىلداۋ باستالدى.
پىكىر قالدىرۋ