تۇركىستان وبلىسىنداعى 5 جاسار قىزدىڭ ولىمىنە بايلانىستى سوت ۇكىمى شىقتى. سوت 48 جاستاعى سايدوليم گاييبنازاروۆتى «ادام ءولتىرۋ» جانە «سەكسۋالدىق سيپاتتاعى زورلىق-زومبىلىق ارەكەتتەرى» بابىمەن كىنالى دەپ تانىپ، ءومىر بويىنا باس بوستاندىعىنان ايىردى. سونداي-اق، وعان حيميالىق كاستراسيا قولدانۋدى قاۋلى ەتتى. بۇدان بولەك،  ايىپتالۋشىنى جابىرلەنۋشى جاققا 100 ملن تەڭگە كولەمىندە مورالدىق وتەماقى تولەۋگە مىندەتتەدى.

سوتتالۋشى جازاسىن قاتاڭ مەكەمەدە جازاسىن وتەيتىن بولادى. سوت وتىرىسىنا جابىرلەنۋشىنىڭ تۋىستارىن كىرگىزبەگەن. ۇكىم ءالى زاڭدى كۇشىنە ەنبەدى. 

ەسكە سالساق، تۇركىستان وبلىسىنداعى 5 جاسار قىزدىڭ ءولىمى قوعامدا رەزونانس تۋدىرعان بولاتىن. بۇل دەرەك ق ر قىلمىستىق كودەكسىنىڭ 99-بابى "ادام ءولتىرۋ" بويىنشا تىركەلدى. ساراپتاما تاعايىندالدى.

كەيىن جەلىدە اۋىل تۇرعىندارى كۇدىكتىنى پوليسەيلەردەن بوساتىپ الماق بولدى دەگەن اقپارات تارادى. تۇركىستان وبلىسى پوليسيا دەپارتامەنتىنىڭ وكىلدەرى بۇعان قاتىستى پىكىر ءبىلدىردى.

باس پروكۋراتۋرا مالىمەتىنشە، كۇدىكتى بۇرىن ءىستى بولعان.

"كۇدىكتى گ. بۇرىن ادام ولتىرگەنى ءۇشىن 2006 جىلى 10 جىلعا باس بوستاندىعىنان ايىرىلعانى انىقتالدى. 2023 جىلعى مامىردا گ. ىشىمدىك ءىشىپ وتىرىپ، اۋىلداسىمەن جانجالداسقان سوڭ، ونى بالتامەن ۇرعانى بەلگىلى بولدى. سوت گ.-نىڭ جابىرلەنۋشىمەن تاتۋلاسقانىن، بۇرىن سوتتىلىعىنىڭ جويىلعانىن ەسكەرە وتىرىپ، وعان پروباسيالىق باقىلاۋ بەلگىلەۋمەن 3 جىل باس بوستاندىعىن شەكتەۋ تاعايىندالدى"، - دەلىنگەن حابارلامادا.