ۋكراينا پرەزيدەنتى ۆلاديمير زەلەنسكيي بۇۇ باس اسسامبلەياسىنىڭ سەسسياسىندا رەسەيدىڭ يادرولىق قارۋعا يەلىك ەتۋگە قۇقىعى جوق ەكەنىن ايتتى. ءسوز بارىسىندا زەلەنسكيي كسرو ىدىراعاننان كەيىن ۋكراينا رەسەيگە يادرولىق ارسەنالىن بەرگەن ەلدەردىڭ قاتارىندا ەكەنىن ەسكە سالدى.
"ۋكراينا ءوزىنىڭ ءۇشىنشى ۇلكەن يادرولىق ارسەنالىن بەردى. سودان كەيىن الەم رەسەي وسىنداي الپاۋىت كۇشتىڭ ساقشىسى بولۋى كەرەك دەپ شەشىم قابىلدادى. ءبىراق تاريح رەسەيدى قارۋسىزداندىرۋ كەرەك ەكەنىن دالەلدەدى. سوناۋ 1990 جىلدارى... رەسەيدى ءقازىردىڭ وزىندە قارۋسىزداندىرۋ كەرەك. ويتكەنى تەرروريستەردىڭ يادرولىق قارۋدى يەلەنۋگە قۇقىعى جوق"، - دەدى زەلەنسكيي.
سونداي-اق زەلەنسكيي مولداۆا، سيريا، گرۋزيا ەلدەرىن مىسالعا كەلتىرە وتىرىپ، رەسەيدىڭ ءار 10 جىل سايىن سوعىس اشاتىنىن ايتتى.
"رەسەي بەلورۋس ەلىن جۇتىپ الدى دەسەك تە بولادى. قازاقستان مەن بالتىق ەلدەرىنە سەس كورسەتىپ وتىر. "ساحنا سىرتىنداعى كولەڭكەلى كەلىسسوزدەردەن" حاباردارمىن. زۇلىمدىققا سەنۋگە بولمايدى. پريگوجيننەن "پۋتينگە سەنۋگە بولا ما؟" دەپ سۇراپ كورىڭىزدەر. وتىنەمىن مەنىڭ سوزىمە قۇلاق اسىڭىزدار. بارلىعى اشىق تۇردە شەشىلسىن"، دەدى زەلەنسكيي
پىكىر قالدىرۋ