سەمەيدەگى 4 جاسار بالانىڭ ولىمىنە قاتىستى جاڭا دەرەكتەر شىقتى. كۇتۋشىنىڭ كۇيەۋى بالانىڭ ءمايىتىن جول بويىنداعى اجەتحاناعا لاقتىرىپ كەتكەن. بۇل تۋرالى "نە مولچي" قورىنىڭ الەۋمەتتىك پاراقشاسىندا جاريالاندى.
"اناسى بالاسىن كۇتۋشىگە قالدىرعان. كەيىن اناسىنا كۇتۋشى بالانىڭ تانىسىنىڭ ۇيىندە ەكەنىن ايتقان. كەيىن بالانىڭ قايتىس بولعانى بەلگىلى بولدى. كۇتۋشىنىڭ ايتۋىنشا، بالا ۇستامادان قايتىس بولعان. كۇيەۋى قىلمىس ءىزىن جاسىرۋ ءۇشىن ءسابيدىڭ ءمايىتىن سپورتتىق سومكەگە سالىپ، تاسجولدىڭ بويىنداعى اجەتحاناعا لاقتىرىپ جىبەرگەن. بۇگىندىككە 2 بالا قازا تاپتى. جازدا 5 جاسار قىز كىسى قولىنان قازا تاپتى. جاقىندا ەلىمىزدە بالا قالمايدى"، دەپ جازىلعان حابارلامادا.
ءقازىر بۇل ءىس بويىنشا تەرگەۋ جۇرگىزىلىپ جاتىر.
پىكىر قالدىرۋ