ورىستىڭ اۆتوۆاز-ى قازاقستاندا كولىكتەرىن قۇراستىرۋىن جالعاستىرۋ جوسپارى تۋرالى حابارلادى.
21ء-شى عاسىردا، بۇكىل الەم جاپپاي ەلەكتروموبيلگە، جوعارى تەحنولوگيالىق، ءقاۋىپسىز كولىككە ءمىنىپ جاتقاندا قازاقتار نەگە ورىستىڭ ارتتا قالعان، ءقاۋىپتى كاريتاسىمەن ءجۇرۋى كەرەك؟
ەستەرىڭىزدە بولسا، وتكەندە الماتىداعى ءال-فارابي داڭعىلىندا جۇك كولىگى BMW كولىگىن وڭدىرماي سوعىپ، اۋىر جول اپاتى بولعان. جۇرگىزۋشى جاعىنان سوقسا دا، كولىك رولىندەگى جىگىتكە دىم دا زاقىم كەلگەن جوق. ەگەر الگى BMW-نىڭ ورنىندا كەز كەلگەن Lada كولىگى بولعاندا، بۇل اپاتتىڭ نەمەن تىنارىن ءىشىڭىز سەزەتىن شىعار؟
بەلسەندى سانجار بوقايەۆ بىلاي دەيدى:
– قازىرگى تۇرىندەگى Lada كولىكتەرىن قولدانىستاعى زاڭدار بويىنشا قازاقستاندا تىركەۋگە بولمايدى. ءبىراق رەسەيلىك كومپانيانىڭ مۇددەسى ءۇشىن قازاقستان ۇكىمەتى نورماتيۆتىك-قۇقىقتىق بازاعا تۇزەتۋ ەنگىزەتىن بولىپتى. رەسەيدىڭ دەگەنىمەن جۇرەتىن قازاقستان بيلىگى. ەسكىرگەن، داڭعىر-دۇڭعىر ەتكەن رەسەيلىك كولىكتەردى شىعارۋ ءۇشىن ءبىزدىڭ بيلىك زاڭىن وزگەرتپەك!
Lada-نىڭ قۇنىنا پاراپار اقشاعا ءقازىر ءتاپ-تاۋىر، ساپاسى مەن قاۋىپسىزدىگى الدەقايدا جوعارى كەلەتىن زاماناۋي قىتايلىق كولىك ساتىپ الۋعا بولادى. راس!
جەر بەتىندە ءوز حالقىنىڭ ءقاۋىپسىز، جايلى اۆتوكولىك مىنگەنىن قالامايتىن ەكى-اق مەملەكەت بار. ول رەسەي مەن قازاقستان.
پىكىر قالدىرۋ