بۇل جولى بۇرىنعى شەنەۋنىك رەيدەرلىك شابۋىل جاسادى دەپ ايىپتالىپ وتىر، – دەپ Qamshy.kz اقپاراتتىق اگەنتتىگى Tengrinews.kz سايتىنا سىلتەمە جاساپ حابارلايدى.

ايىپتاۋشى تاراپتىڭ مالىمەتىنشە، 2019 جىلى استاناداعى «Diplomat» قوناق ءۇي كەشەنىنە يەلىك ەتەتىن كاسىپكەر ك.-نىڭ تانىسى مۇحامەديۇلىنا قارجىلاي كومەك سۇراپ جۇگىنگەن. مۇحامەدي ۇلى كاسىپكەرگە 2،5 ميلليارد تەڭگە بەرۋگە كەلىسكەن، ءبىراق ونىڭ ورنىنا ودان ج ش س جارعىلىق كاپيتالىنىڭ 71 پايىزىن ەنەسىنە اۋدارۋدى سۇراعان. تەرگەۋ سول كەزدە شەنەۋنىكتىڭ باسىندا ءقوناقۇيدى باسىپ الۋ جوسپارى قالىپتاسقان دەپ ەسەپتەيدى.

مامىلە جاسالعاننان كەيىن شەنەۋنىك قوناقۇيگە جۇيەلى تۇردە كەلە باستادى. ارتىنشا مۇحامەدي ۇلى ءقوناقۇي يەسىنە قالعان 29 پايىزىن بەرۋدى تالاپ ەتكەن. ءبىراق يەسى باس تارقان. بۇدان كەيىن شەنەۋنىك «ديپلومات» قىزمەتكەرلەرىنە ج ش س ديرەكتورىن قوناقۇيگە كىرگىزبەۋ تۋرالى بۇيرىق بەردى. ودان كەيىن سەرىكتەستىككە قاتىسۋشىلاردىڭ جالپى جينالىسىنىڭ حاتتامالارى بۇرمالانىپ، وندا سەرىكتەستىك ديرەكتورى مۇحامەديۇلىمەن ۇلەستەس تۇلعامەن اۋىستىرىلعان.

ارىستانبەك مۇحامەدي ۇلى تاعىلعان ايىپپەن كەلىسپەي، جابىرلەنۋشىنى ساياساتكەر مارك يۋنيۋس برۋتقا، ءوزىن سەزارعا تەڭەپ جەلپىنە سويلەدى.

 «ءبىز ريم يمپەرياسىنىڭ تاريحىنان ادامزات تاريحىندا ساتقىندىق پەن ارامدىقتىڭ سيمۆولى رەتىندە قالعان مارك يۋنيي برۋتتىڭ ارەكەتىن جاقسى بىلەمىز. ال گاي يۋليي سەزار برۋتتىڭ سۇمدىعىنا قاراماستان، تاريحتا «ال سەن، برۋت» ءسوزىنىڭ اۆتورى بولىپ قالا بەرمەك، – دەپ سوت القاسىنا قاراتا:  – «اۆگيا پاتشانىڭ قوراسىن كوڭنەن تازارتقان ەجەلگى باتىر گەراكل سياقتى ءسىز دە وسى سوت ىسىندەگى ارامدىق پەن وتىرىكتەن ارىلاسىز دەپ سەنەمىن»، - دەدى مۇحامەدي ۇلى سۋدياعا.

ەستەرىڭىزگە سالا كەتەيىك، استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمىمەن ارىستانبەك مۇحامەدي ۇلى سەگىز جىلعا باس بوستاندىعىنان ايىرىلدى.

بۇعان دەيىن ول استاناداعى ۇلتتىق مۋزەيدىڭ ديرەكتورى بولىپ تۇرعان كەزىندە بيۋدجەت قاراجاتىن جىمقىردى دەگەن ايىپ تاعىلعان بولاتىن. اتاپ ايتقاندا، ول قىزمەتتىك وكىلەتتىگىن اسىرا پايدالانىپ، «التىن ادامنىڭ الەم مۋزەيلەرى ارقىلى شەرۋى» حالىقارالىق كورمەسىنە، «قازاقستاننىڭ ۇلتتىق كيەلى نىساندارى مەن مۇراجاي قورلارىن ۇلتتىق فوتوگراممەتريالىق 3D سكانەرلەۋ» جوبالارىنا بولىنگەن قاراجاتتى جىمقىردى دەگەن كۇدىككە ءىلىندى.

كەيىن كۇدىكتى رەتىندە سوتتالعان ارىستانبەك مۇحامەدي ۇلىنىڭ ايەلى تانىلدى. سىبايلاس جەمقورلىققا قارسى قىزمەت ارىستانبەك مۇحامەدي ۇلىنىڭ ادۆوكاتى دا ۇستالعانى تۋرالى اقپاراتتى راستادى. ۆەدومستۆو ەكس-مينيستردىڭ قورعاۋشىسى الاياقتىق جانە پارا بەرۋگە شاقىردى دەگەن كۇدىككە ىلىنگەنىن حابارلادى.