بۇل تۋرالى وزبەكستان دەنساۋلىق ساقتاۋ مينيسترلىگى حابارلادى. مەكەمە مالىمەتىنشە، 24 ادام اۋرۋحاناعا تۇسكەن. ناۋقاستاردىڭ ءبىرقاتارىنىڭ جاراقاتى اۋىر.

قالعان 138 ادامعا العاشقى مەديسينالىق كومەك كورسەتىلىپ، ۇيگە جىبەرىلگەن.

28 قىركۇيەككە قاراعان ءتۇنى تاشكەنت اۋەجايىنىڭ ماڭىنداعى كەدەن قويماسىندا قۋاتتى جارىلىس بولدى، سوڭى ورتكە ۇلاستى. بۇل جونىندە وزبەكستان بيلىگىنىڭ مالىمەتىنە سۇيەنگەن جەرگىلىكتى اقپارات قۇرالدارى جازدى. جارىلىستىڭ سالدارىنان ماڭايداعى كوپ قاباتتى تۇرعىن ۇيلەردىڭ تەرەزەلەرى سىنعان.

وزبەكستان توتەنشە جاعداي مينيسترىگى، كەدەن كوميتەتى جانە وزگە دە مەكەمەلەرىنە سۇيەنگەن Gazeta.uz سايتىنىڭ جازۋىنشا، جارىلىس تۇنگى ساعات 2:43-تە تاشكەنتتىڭ سەرگەلى اۋدانى قۇرىلىسشىلار ماسسيۆىندە ورنالاسقان "ينتەر لوگيستيكس" كومپانياسىنىڭ قويماسىندا بولعان. جارىلىستىڭ سالدارىنان ماڭايداعى ۇيلەردىڭ تەرەزەلەرى سىنىپ، ءۇي ءىشى بۇلىنگەن. جارىلىستىڭ سوڭى ورتكە ۇلاسقان.