"ق ر ازاماتتارى مەن "قازپوشتا" كليەنتتەرىنە سالەمدەمەنى جەتكىزۋدى توقتاتۋ تۋرالى حابارلامالار جىبەرىلۋدە. وزدەرىنىڭ سالەمدەمەلەرىن تولەۋ جانە الۋ ءۇشىن الاياقتار كۇماندى سىلتەمە بويىنشا ءوتۋدى ۇسىنادى. حابارلامالار جالعان ەلەكتروندىق پوشتا مەكەنجايلارىنان جىبەرىلۋدە"، – دەلىنگەن رەسمي حابارلامادا.
وسى ورايدا "قازپوشتا" اق كليەنتتەر مەن ونلاين-پلاتفورما پايدالانۋشىلارىن اسا ساق بولۋعا شاقىرادى. بۇعان دەيىن فيشينگتىك سايتتار ارقىلى ونلاين-تاۋارلاردى جەتكىزۋ قىزمەتتەرىن ۇسىناتىن الاياقتاردىڭ جاعدايلارى تىركەلگەن.
"قازپوشتا" اق ەسكەرتۋىنشە، بانك كارتاسىنىڭ ءنومىرى مەن CVV كودىن جاريالاماۋ اسا ماڭىزدى.
"ەگەر ءسىز فيشينگتىك سايتتاعى سىلتەمەنى پايدالانا وتىرىپ، تاۋاردى جەتكىزۋ تولەمىن جاساۋدى شەشسەڭىز، بۇل شەشىم ءۇشىن ءوزىڭىز جاۋاپتى بولاسىز. "قازپوشتا" اق حابارلامالاردى تەك 1499 رەسمي قىسقا نومىرىنەن جولدايدى"، – دەپ جازدى "قازپوشتا" اق باسپا ءسوز قىزمەتى.
پىكىر قالدىرۋ