1999 جىلدان بەرى جىل سايىن الەمدە 29 قىركۇيەكتە دۇنيەجۇزىلىك جۇرەك كۇنى اتاپ وتىلەدى.

ونىڭ ماقساتى – قوعامنىڭ نازارىن دەنساۋلىق ساقتاۋ ماسەلەلەرىنە اۋدارۋ جانە جۇرەك-قان تامىرلارى اۋرۋلارىنىڭ الدىن الۋدىڭ ماڭىزدىلىعىن اتاپ ءوتۋ. سەبەبى، جىل سايىن الەمدە 18 ميلليوننان استام ادام جۇرەك-قان تامىرلارى اۋرۋلارىنان قايتىس بولادى.

«اعزالاردىڭ جاعدايى جانە ادامنىڭ ءومىر ءسۇرۋ ۇزاقتىعى جۇرەكتىڭ جانە بۇكىل جۇرەك-قان تامىر جۇيەسىنىڭ دۇرىس جۇمىس ىستەۋىنە بايلانىستى. جۇرەك اۋرۋلارىنىڭ الدىن الۋ دەنساۋلىق پەن ۇزاق ءومىر ءسۇرۋدى قامتاماسىز ەتۋدە شەشۋشى ءرول اتقارادى»، - دەيدى كارديولوگيا جانە ىشكى اۋرۋلار عزي كونسۋلتاسيالىق-دياگنوستيكالىق ورتالىعىنىڭ كارديولوگى، جوعارى ساناتتى دارىگەر، مەديسينا عىلىمدارىنىڭ كانديداتى بوتاگوز قىستاۋوۆا.

جۇرەك اۋرۋلارىنان ساقتانۋ ءۇشىن:

• دۇرىس تاماقتانىڭىز. مايلى تاماقتان تارتىنىڭىز!
• فيزيكالىق بەلسەندى بولىڭىز – تۇراقتى جاتتىعۋلاردى توقتاتپاڭىز!
• قالىپتى سالماقتى ساقتاڭىز – ارتىق سالماق جۇرەك اۋرۋىنا اكەلۋى ابدەن مۇمكىن!
• زياندى ادەتتەردەن (شىلىم شەگۋ، الكوگولدى سۋسىندار مەن ىشىمدىك) باس تارتۋ كەرەك!
• كۇيزەلىسپەن كۇرەسىپ ۇيرەنىڭىز!

قان قىسىمىن ۇنەمى ولشەپ، دارىگەرگە تەكسەرىلىپ تۇرىڭىز. تۇراقتى مەديسينالىق تەكسەرۋلەر – دەنساۋلىقتى باقىلاۋ جانە جۇرەك-قان تامىرلارى اۋرۋلارىنىڭ الدىن الۋدا وتە ماڭىزدى.

ەگەر جۇرەك-قان تامىرلارى اۋرۋلارىڭىز بولسا، تاعايىندالعان ەم مەن دارىگەردىڭ ۇسىنىستارىن قاتاڭ ساقتاڭىز.

جۇرەك-قان تامىرلارى اۋرۋلارىنىڭ الدىن الۋ – وزىمىزگە كەرەك. ءومىر بويى سالاۋاتتى ءومىر سالتىن ۇستانۋ قيىن. الايدا وسى شارالاردى ساقتاۋ جۇرەك پروبلەمالارىنىڭ دامۋى ءقاۋپىن ازايتادى جانە جالپى دەنساۋلىقتى جاقسارتادى.

انەليا اباي قىزى