بۇگىن ق ر پرەزيدەنتى اكىمشىلىگىنىڭ كەلىسىمى بويىنشا وبلىس اكىمى اپپاراتىنىڭ باسشىسى لاۋازىمىنا پرەزيدەنتتىك جاستار كادرلىق رەزەرۆىنىڭ مۇشەسى نۇرلىبەك جەڭىسبەك ۇلى تاعايىندالدى. جاڭا باسشىنى ۇجىمعا وبلىس اكىمى سەرىك شاپكەنوۆ تانىستىرىپ، الداعى قىزمەتىنە ساتتىلىك تىلەدى.
نۇرلىبەك جەڭىسبەك ۇلى 1988 جىلى تۋعان. اباي اتىنداعى ۇلتتىق پەداگوگيكالىق ۋنيۆەرسيتەتىنىڭ «فيلولوگيا» فاكۋلتەتىن ءتامامداعان. رەسەي فەدەراسياسىنىڭ پرەزيدەنتى جانىنداعى رەسەي مەملەكەتتىك قىزمەت اكادەمياسى حالىقارالىق قاتىناستار ماگيسترى. پرەزيدەنتتىك جاستار كادرلىق رەزەرۆىنىڭ مۇشەسى.
ەڭبەك جولىن 2006 جىلى «قازاقستان» تەلەارناسىندا ءتىلشى بولىپ باستاعان. ءار جىلدارى وبلىستىق جانە رەسپۋبليكالىق تەلەارنالاردا رەداكتور، ساراپشى قىزمەتتەرىن اتقارعان.
2013-2017 جىلدار ارالىعىندا شىمكەنت قالاسى جانە وڭتۇستىك قازاقستان وبلىسى اكىمدەرىنىڭ باسپا ءسوز حاتشىسى، كەڭەسشىسى لاۋازىمدارىن اتقاردى.
2017 جىلى ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ باسپا ءسوز حاتشىسى؛
2018 جىلى ق ر ەنەرگەتيكا مينيسترلىگى ستراتەگيالىق جانە اقپاراتتىق دامۋ دەپارتامەنتى ديرەكتورىنىڭ ورىنباسارى؛
2020-2022 جىلدار ارالىعىندا نۇر-سۇلتان قالاسى اكىمى اپپاراتى باسشىسىنىڭ ورىنباسارى؛
2022 جىلدىڭ اقپان ايىنان باستاپ تاعايىندالعانعا دەيىن ق ر اقپارات جانە قوعامدىق دامۋ مينيسترلىگى اقپارات كوميتەتى ءتوراعاسىنىڭ ورىنباسارى بولىپ قىزمەت ەتتى.
بيىل وبلىس اكىمىنىڭ اپپارات باسشىسى «ا» كورپۋسىنىڭ مەملەكەتتىك اكىمشىلىك قىزمەتشىلەرىنەن مەملەكەتتىك ساياسي قىزمەتشىلەر ساناتىنا اۋىستىرىلدى. نۇرلىبەك جەڭىسبەك ۇلى اپپارات قىزمەتىنە باسشىلىق ەتۋمەن قاتار، يدەولوگيا، ىشكى ساياسات، جاستار ساياساتى جانە ءدىن ماسەلەلەرىنە جاۋاپ بەرەدى.
پىكىر قالدىرۋ