اكىم كەيبىر ازاماتتاردىڭ اقىلعا قونىمسىز ارەكەتىنەن جالپىقالالىق مۇلىككە زيان كەلىپ جاتقانىن ايتتى.
«قالامىزدى جاقسارتۋ ءۇشىن تۇرعىندارمەن كۇن سايىن بىرلەسە جۇمىس ىستەيمىز. اباتتاندىرىپ، قولايلى ەتە تۇسەمىز. دەگەنمەن وكىنىشكە قاراي، ۆانداليزم مەن مادەنيەتكە ساي كەلمەيتىن ارەكەتتەر بار. كەيبىر ازاماتتاردىڭ اقىلعا قونىمسىز ارەكەتىنەن جالپىقالالىق مۇلىككە زيان كەلەدى: ايالدامالاردى، ورىندىقتاردى، اۋلالاردى بۇلدىرەدى، قوقىس جاشىكتەرىن توڭكەرىپ تاستايدى جانە ت.ب. وسىلايشا قالانىڭ وزگە دە تۇرعىندارى مەن قوناقتارىنا ءسوز تيەدى.
ۆانداليزم – بۇل جەكە مادەنيەت پەن تاربيەنىڭ دەڭگەيى. ءارى بۇل سىننان كەز كەلگەن ادام وتە بەرمەيدى. قالادا قانداي جۇمىستى قولعا الساق تا، ادامدارعا ىڭعايلى بولۋ ءۇشىن ورىندايمىز. جالپىعا ورتاق قالا مۇلكىن ءبۇلدىرۋ ارقىلى قۇقىق بۇزۋشىلار ەلوردانىڭ وزگە تۇرعىندارى مەن قوناقتارىنا قولايسىزدىق تۋدىرادى. ءدال وسى كوشەدە ولاردىڭ جاقىندارى مەن تۋىستارى جۇرەدى»، - دەدى قالا اكىمى.
ونىڭ ايتۋىنشا، وسى جىلدىڭ 8 ايىندا عانا ەلوردادا قوعامدىق ءتارتىپتى بۇزۋعا قاتىستى 10 مىڭنان استام جاعداي تىركەلگەن. پوليسيا قوعامدىق ءتارتىپتى ساقتاۋعا جانە قۇقىق بۇزۋشىلىقتىڭ الدىن الۋعا باعىتتالعان جۇيەلى جۇمىس جۇرگىزىپ جاتىر. ءتارتىپ ساقشىلارى كۇن سايىن قالانى كۇزەتىپ، ءتارتىپ بۇزۋشىلاردى انىقتايدى.
«قالامىزدا جىل سايىن كامەرالار سانىن كوبەيتەتىن بولامىز. قۇقىق بۇزىلعانى ءۇشىن قاشاندا جازا بار ەكەنىن ۇمىتپاعان ءجون. كەز كەلگەن قۇقىق بۇزۋشىلىققا جانە قوعامدىق ايىپتاۋعا توزىمدىلىك نولدىك دەڭگەيدە بولۋى كەرەك.
ەلوردا تۇرعىندارى مەن قوناقتارىن قالامىزعا ۇقىپپەن قاراۋعا شاقىرامىن! بۇل قالادا جاقىندارىمىز، تۋىستارىمىز جانە ءوزىمىز ءومىر سۇرەمىز!»، - دەپ جازدى اكىم Instagram جەلىسىندەگى پاراقشاسىندا.
پىكىر قالدىرۋ