قازاقستاندىق كينوتەاترلاردا جاقىندا عانا كورەرمەنگە جول تارتقان "ءمىرجاقىپ. ويان قازاق!" ءفيلمىنىڭ كورسەتىلىمى توقتادى. الەۋمەتتىك جەلىدە ءفيلمنىڭ پروكاتتان الىنىپ تاستالعانىنا نارازىلىق بىلدىرگەندەردىڭ سانى ارتتى. وسىعان بايلانىستى ءفيلمنىڭ رەجيسسەرى مۇرات ەسجان تۇسىنىكتەمە بەردى.
ونىڭ ايتۋىنشا ءفيلمنىڭ پروكات مەرزىمى وتكەن جەكسەنبىدە اياقتالعان.
“ءمىرجاقىپ. ويان، قازاق!” ءفيلمى كەستەدە نەگە جوق دەگەن سۇراقتار تاڭ اتقالى كوپتەپ كەلىپ جاتىر. شىعارماشىلىق توپ، ياعني، ءبىز پروكاتپەن اينالىسقان جوقپىز، دەسە دە، مىنا نارسەنى ايتقىم كەلەدى. فيلم 21 قىركۇيەكتەن باستاپ تۋرا ەكى اپتا بويى كينوتەاترلاردا كورسەتىلدى. نەگىزى پروكات مەرىزىمى وتكەن جەكسەنبى اياقتالعان بولاتىن، الايدا كوپشىلىكتىڭ سۇرانىسىنا بايلانىستى 4 قازانعا دەيىن ۇزارتىلدى"، دەپ جازدى مۇرات ەسجان ءوزىنىڭ الەۋمەتتىك جەلىدەگى پاراقشاسىندا.
مۇرات ەسجان ءفيلمنىڭ پروكاتتان الىنۋىنان ەشقانداي استار ىزدەپ كەرەگى جوق ەكەنىن ايتتى.
پىكىر قالدىرۋ