«ءمىرجاقىپ. ويان، قازاق!» ءفيلمىنىڭ كينوتەاترلارداعى كورسەتىلىم مەرزىمىن تاعى ءبىر اپتاعا سوزدى. بۇل تۋرالى QAZAQSTAN تەلەراديوكورپوراسياسى حابارلادى.
«قازاقستان» تەلەراديوكورپوراسياسى اۋديتوريا سۇرانىسىنا بايلانىستى «ءمىرجاقىپ. ويان، قازاق!» ءفيلمىنىڭ كينوتەاترلارداعى كورسەتىلىم مەرزىمىن تاعى ءبىر اپتاعا ۇزارتتى «ءمىرجاقىپ. ويان، قازاق!» ءفيلمى وتكەن جىلى كورپوراسيانىڭ تولىقتاي مەملەكەتتىك تاپسىرىس نەگىزىندە تۇسىرىلگەن 6 سەريالى تەلەحيكايادان دايىنداعان كينوتۋىندىسى. ياعني، فيلم مەملەكەتتىك قاراجات ەسەبىنەن ءتۇسىرىلدى. كەلىسىمشارتقا سايكەس فيلم 21 قىركۇيەكتەن باستاپ بارلىق قالالارداعى ۇلكەن ەكرانداردا 15 كۇن بويى پروكاتتا ءجۇردى.
بۇدان بۇرىن ءبىر رەت سۇرانىسقا سايكەس كورسەتىلىم 4 كۇنگە ۇزارتىلعان ەدى»، دەلىنگەن Qazaqstan ۇلتتىق تەلەارناسىنىڭ حابارلاماسىندا.
بۇعان دەيىن «ءمىرجاقىپ. ويان، قازاق!» ءفيلمى كينوتەاترلارداعى پروكاتتان الىنعانى كوپشىلىكتىڭ نارازىلىعىن تۋدىرعان ەدى. ءفيلمنىڭ رەجيسسەرى مۇرات ەسجان پروكات مەرزىمى اياقتالعانىن ايتقان.
پىكىر قالدىرۋ