قازاقستاننىڭ تەل-اۆيۆتەگى ەلشىلىگىندە يزرايل اۋماعىنداعى ازاماتتار ءۇشىن شۇعىل بايلانىس جەدەل جەلىسى اشىلدى، دەپ حابارلايدى Qamshy.kz اقپارات اگەنتتىگى. بۇل تۋرالى بۇگىن سىرتقى ىستەر مينيسترلىگىندە ءوتىپ جاتقان باسپا ءسوز ءماسليحاتىندا ايبەك سمادياروۆ حابارلادى.
"ەكى كۇن ىشىندە وتانداستارىمىزدان 500-دەن استام قوڭىراۋلار مەن سۇراۋلار ءتۇسىپ، ولارعا جاۋاپ بەرىلدى. بۇگىنگى تاڭدا قازاقستاننىڭ يزرايلدەگى ەلشىلىگىندەگى كونسۋلدىق ەسەپتە 77 ازامات تىركەلگەن. ولاردىڭ قاتارىندا ەلشىلىك قىزمەتكەرلەرى مەن وتباسى بار. ءيزرايلدىڭ جوعارى وقۋ ورىندارىندا قازاقستاننان 5 ستۋدەنت وقيدى. سونداي-اق 30-عا جۋىق ازامات جەرگىلىكتى ءتۇرلى مەديسينالىق مەكەمەلەردە تاعىلىمدامادان وتۋدە. ءبارى - 112 ادام، - دەدى ول.
مينيسترلىكتىڭ دەرەگىنشە ءقازىر گازا قالاسىندا 25-كە جۋىق وتباسى بار. ولاردىڭ كوبى پالەستينالىققا تۇرمىسقا شىققان ازاماتتار. ءقازىر ولار ءقاۋىپسىز جەر ىزدەپ جاتىر.
ەسكە سالساق، 7 قازاندا حاماس قوزعالىسىنىڭ يزرايل اۋماعىن زىمىران اتقىلاۋىنان سوڭ قاقتىعىس باستالعان بولاتىن.
پىكىر قالدىرۋ