قازاقستاندا عالىمدار مەن عىلىم ۇيىمدارى قىزمەتكەرلەرىنە ارنالعان رەسمي "نۇسقاۋلىق" پايدا بولدى. ول ورىس تىلىندە. 2023 جىلعى 6 قازاندا كەلىسىلىپ، قول قويىلعان قۇجات.

عىلىم جانە جوعارى ءبىلىم مينيسترلىگى عىلىمي قىزمەتكەرلەرگە ماقالا جاريالاۋ مەن باسپاسوزگە سۇحبات بەرگەندە "بايقاپ سويلەۋ" كەرەك ەكەنىن ەسكەرتكەن ەكەن.

نۇسقاۋلىق ەلدەگى عالىمدارعا قازاق تاريحىنداعى وتارلاۋشىلىق، 1920-شى جىلدارداعى جانە 1930-شى جىلدارى قايتالانعان اشتىق، قازاقتىڭ اتا جۇرتىنان قونىس اۋدارۋى، قۋعىن-سۇرگىن سياقتى كۇردەلى ماسەلەلەرگە باعا بەرمەۋگە شاقىرادى.

• مەملەكەتارالىق، ۇلتارالىق، ءدىنارالىق داۋلار مەن كيكىلجىڭ تۋعىزۋى مۇمكىن دەرەكتەر مەن فاكتىلەرگە جول بەرمەۋ كەرەك دەگەن ەكەن.
• تاريحي تۇلعالارعا ءتىل تيگىزۋگە بولمايدى.
• عالىمدارعا ەندى حيدجاب ماسەلەسى، كوشە-قالانىڭ اتاۋىن وزگەرتۋ سياقتى داۋلى الەۋمەتتىك تاقىرىپتار بويىنشا باق-قا سۇحبات بەرۋىنە تىيىم سالىنادى.
• ماقالاسى، نە سۇحباتى باسپاسوزدە جاريالانباس بۇرىن ءماتىندى مىندەتتى تۇردە تەكسەرىپ، ماقۇلداۋ كەرەك بولدى عالىمدارعا.

عىلىم جانە جوعارى ءبىلىم مينيسترلىگى ق ر كونستيتۋسياسىندا ءسوز بەن شىعارماشىلىق ەركىندىگىنە كەپىلدىك بەرىلەتىنىن، سەنزۋراعا تىيىم سالىناتىنىن ۇمىتىپ كەتكەن بە؟