دەپۋتات باقىتجان بازاربەك مينيستردەن دەنساۋلىق سالاسىنا بيۋدجەتتەن بولىنگەن 1 ترلن تەڭگەنىڭ ەسەبىن سۇرادى.

"ماسەلەن، 2023 جىلى استانا قالاسىنىڭ پروكۋراتۋراسى تەكسەرىس جۇرگىزگەن. ناتيجەسىندە 2500 ادام نەگىزسىز قىزمەت العان، ولاردىڭ اراسىندا مارقۇمدار دا بار. ءىس جۇزىندە ولار اۋىرماعان، ءتىپتى كەيبىرى قايتىس بولىپ كەتكەن. كەيبىرى استانا قالاسىندا تۇرمايدى. الايدا ولار مەديسينالىق قىزمەت الىپ جۇرگەن. سالدارىنان بيۋدجەتكە جۇزدەگەن ملن تەڭگە شىعىن كەلتىرىلگەن. ولار تارتىپتىك جاۋاپكەرشىلىككە تارتىلادى. قىلمىستىق ءىس قايدا؟ تولىعىمەن بيۋدجەتتىڭ اقشاسىن سىپىرىپ العان سوڭ قىلمىستىق ءىس قوزعايسىزدار ما؟ دەنساۋلىق ساقتاۋ سالاسىنا 2،5 ترلن تەڭگەدەن استام قارجى بولىنگەن. بۇعان قاتىستى ەسەپ بەرىلدى. الايدا وسىعان دەيىن مينيسترلىك 1 ترلن تەڭگەنىڭ قايدا كەتكەنى تۋرالى ەسەپ بەرگەن جوق. قالتاعا كەتتى مە؟ كىم بىلەدى، جەمقور وسى جەردە وتىرعان شىعار"، دەدى دەپۋتات.

ەسكە سالساق، بۇگىن ماجىلىستە ءوتىپ جاتقان ۇكىمەت ساعاتىندا مەديسينالىق ساقتاندىرۋ جۇيەسى مەن دەنساۋلىق سالاسىنداعى ءبىرقاتار ماسەلەلەر تالقىلانىپ جاتىر.