بيىل قاڭتار – تامىز ارالىعىندا قازاقستاندا سىبايلاس جەمقورلىق قىلمىسىن جاساعان 748 ادام ۇستالىپتى.

وڭىرلەر بويىنشا جىكتەگەندە جەمقورلىق جاساپ جىبەرگەندەردىڭ كوبى شىمكەنت قالاسىنان شىعىپتى: 120 ادام. (بىلتىرعىدان بىردەن 44،6% ارتىق).

ودان كەيىن الماتى (97 ادام)، استانا (84 ادام) قالالارى، قوستاناي (48 ادام)، اقتوبە، الماتى جانە تۇركىستان (ءار وبلىستا 38 ادام) وبلىستارى.

سىبايلاس جەمقورلىقپەن ەڭ از ادام ۇستالعان وڭىرلەر ۇلىتاۋ (9 ادام)، اباي (12 ادام) جانە قىزىلوردا (13 ادام) وبلىستارى.

جەمقورلاردىڭ 32%-ى پارا الۋ جانە بەرۋ كەزىندە ۇستالدى.

جەمقور شەنەۋنىكتەر اراسىندا «تانىمال» باپتار: الاياقتىق (131 ادام، 54،1% كوبەيگەن)، بوتەننىڭ سەنىپ تاپسىرىلعان مۇلكىن يەمدەنۋ نەمەسە جىمقىرۋ (44 ادام، 12% ازايعان)، لاۋازىمدىق وكىلەتتىكتەردى اسىرا پايدالانۋ (41 ادام، 95،2% كوبەيگەن).