بۇگىنگى ماجىلىستە وتكەن ۇكىمەت وتىرىسىندا نارتاي ارالباي ۇلى جەكە كلينيكالاردىڭ قىمبات ەكەنىن، باعالاردى رەتكە كەلتىرۋ كەرەگىن ايتىپ دەنساۋلىق ساقتاۋ مينيسترىنە ساۋال جولدادى.
“ماسەلەلەر ايتىلدى. ءبىراق مۇنىڭ بارلىعى ۋاقىتتى، ايلار مەن جىلداردى تالاپ ەتەدى.ال قازاقستانداعى بيلىكتىڭ قاينار كوزى سانالاتىن حالىقتىڭ ناقتى شەشۋدى تالاپ ەتەتىن ءبىرقاتار ماسەلەسى بار. ويتكەنى كەز كەلگەن سالادا شەشىمدى استانانىڭ سول جاعالاۋىندا قابىلداعانمەن ونىمەن ءومىر سۇرەتىن حالىق ەكەنىن ۇمىتپاۋىمىز كەرەك. ازاماتتار جەكە كلينيكادا ەمدەلۋگە ءماجبۇر بولادى. الايدا جەكە كلينيكاداعى باعالاردى كورگەن ادام ءوزىنىڭ اۋرۋىن ۇمىتىپ قالادى. جەكە كلينيكاداعى باعالاردى قالاي باقىلاۋدا ۇستاۋعا بولادى؟”، دەدى دەپۋتات.
مينيستر اجار عيناياتتىڭ ايتۋىنشا، جەكە كلينيكاداعى باعالاردى شەكتەۋ مۇمكىن ەمەس.
“ءبىز ۇكىمەتتىڭ تاراپىنان ءدارى دارمەكتىڭ باعاسىنا عانا شەكتەۋ قويا الامىز. ال دارىگەردىڭ قىزمەت اقىسىن شەكتەۋ جاساي المايمىز. تەك قانا مەملەكەتتىك مەكەمەنىڭ باعالارىن باقىلاي الامىز. ال جەكەمەنشىكتەرگە قاتىستى ونداي قۇزىرەتىمىز جوق” دەدى اجار عينايات.
پىكىر قالدىرۋ