بۇگىن ۇكىمەت ساعاتىندا مىندەتتى الەۋمەتتىك مەديسينالىق ساقتاندىرۋ جۇيەسىنە قاتىستى ماسەلەلەر تالقىلاندى. ءماجىلىس دەپۋتاتى اسحات ايماعامبەتوۆ مەديسينالىق ساقتاندىرۋ جۇيەسىنە حالىقتىڭ سەنىمى ازايعانىن ايتتى.

“جىلدار ءوتتى، كازاقستاندىقتار اي سايىن قورعا جارناسىن تولەۋدە، ءبىراق سول ءۇمىت اقتالدى ما؟ قىزمەت ساپاسى جوسپارعا ساي ارتتى ما؟

وڭىرلەرگە بارعاندا، اۋرۋحانالاردى ارالاپ، سايلاۋشىلارىمىزبەن، ەكسپەرتتەرمەن، قاراپايىم دارىگەرلەرمەن بولعان كەزدەسۋلەردەن، جۇرگىزگەن زەرتتەۋلەرىمىزدەن تۇيگەنىمىز - پروبلەمالار تولىق شەشىلمەگەن”، دەدى اسحات ايماعامبەتوۆ.

ونىڭ ايتۋىنشا، ءقازىر مەديسينانىڭ ساپاسىنان بولەك قاراپايىم قولجەتىلىمدىگىنە زار بولىپ قالدىق.

“قازاقستاندىقتاردىڭ ءوز قالتاسىنان ەمدەلۋگە جۇمسايتىن قاراجاتتارى ازايۋدىڭ ورنىنا، تەك سوڭعى 2 جىلدا 27،7% - دان 31،1% - عا دەيىن ءوستى. اۋرۋحانالاردىڭ كرەديتورلىق بەرەشەگى كوبەيدى، ازاماتتارىمىزدىڭ مەديسينالىق كومەك الۋ ۋاقىتى ۇزاردى، ساپا تومەندەدى.

وسىعان وراي ءمامس يدەياسىنىڭ بەدەلى ءتۇسىپ، ءتىپتى وسى جۇيەگە سەنبەگەندىكتەن، ءبىرشاما ادام ونى جويۋدى تالاپ ەتۋدە. 

 وكىنىشكە قاراي، بۇگىنگى تاڭدا ءمامس قورى ساقتاندىرۋ پرينسيپتەرىنىڭ نەگىزىندەگى قور ورنىنا، جاي عانا قاراپايىم بيۋدجەتتەن تىس قورعا اينالدى”، دەدى دەپۋتات.