قاراشا ايىنان باستاپ جولاقىنى ۇيالى تەلەفونمەن تولەيتىن الماتىلىقتار 5 تەڭگەگە مەترومەن قاتىناي الادى.  بۇل تۋرالى الماتى مەتروپوليتەنى باسپا ءسوز قىزمەتى حابارلادى. 

31 جەلتوقسانعا دەيىن سوزىلاتىن ناۋقان كەزىندە كەز كەلگەن بانكتىڭ Mastercard كارتاسى بايلانىستىرىلعان Google Play، Apple Pay نەمەسە Samsung Pay قوسىمشالارى ارقىلى مەتروعا كونتاكتىسىز اقى تولەۋگە بولادى.

"جالپى، مەترودا جول اقىسىن بىرنەشە تاسىلمەن — قولما-قول اقشامەن، كارتامەن، مەترو جانە وڭاي جول كارتاسىمەن تولەۋگە بولادى. دەمەۋشىلەردىڭ باستاماسىمەن جىل سوڭىنا دەيىن الماتىلىقتار مەتروعا بەس تەڭگە تولەپ، دىتتەگەن جەرىنە جەتە الادى. تولەم ءموبيلدى قۇرىلعى ارقىلى ىسكە اسادى. باسقا تاسىلدەرمەن تولەنگەن جول ءجۇرۋ قۇنى وزگەرىسسىز قالادى – 100 تەڭگە"، — دەپ اتاپ ءوتتى الماتى قالاسى مەتروپوليتەنىنىڭ كىرىستەر جيناۋ قىزمەتىنىڭ باسشىسى جازيرا بايمۇحامەدوۆا.