وتىرىستا ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ سايلاۋ وتەتىن وڭىرلەردى ارالاۋ باستالعانىن ءمالىم ەتتى.

«5 قاراشاعا تاعايىندالعان پيلوتتىق اۋداندار مەن وبلىستىق ماڭىزى بار قالالاردىڭ اكىمدەرى سايلاۋىن دايىنداۋ جانە وتكىزۋ شەڭبەرىندە ينپەكسيالىق ساپارمەن اۋماقتىق سايلاۋ كوميسسيالارىنا اداستەمەلىك-پراكتيكالىق كومەك كورسەتۋ ءۇشىن ورتالىق سايلاۋ كوميسسياسىنىڭ مۇشەلەرى بارلىق 17 ءوڭىردى ارالاۋدى باستادى. ماسەلەن، ءبىز بۇگىنگى تاڭدا 9 وڭىرگە بارىپ، ولارداعى 24 پيلوتتىق اۋدان مەن وبلىستىق ماڭىزى بار قالانى ارالاپ، سايلاۋدى وتكىزۋ بارىسىمەن تانىستىق. ءبىزدىڭ جۇمىس ساپارلارىمىز جالاعاساتىن بولادى»، - دەپ باياندادى وسك ءتوراعاسى نۇرلان ءابدىروۆ.

ول اتاپ وتكەندەي، پيلوتتىق وڭىرلەردە كانديداتتاردى تىركەۋ 16 قىركۇيەكتە باستالىپ، 5 قازانعا دەيىن جالعاستى.

سونداي-اق، جۇمىستاردىڭ قورىتىندىسىن جاريالاعان ورتالىق سايلاۋ كوميسسياسى ءتوراعاسىنىڭ ورىنباسارى كوستانتين پەتروۆ بارلىق ءوڭىر بويىنشا 249 ۇمىتكەر تىركەلگەنىن ايتتى.

«ءبىزدىڭ اقپاراتقا ساي، 45 اكىم لاۋازىمىنا 249 كانديدات تىركەلدى. ءبىر ورىنعا ورتا ەسەپپەن 5 ۇمىتكەردەن كەلەدى. دەگەنمەن وڭىرلەرگە بايلانىستى باسەكەلەستىك ءارتۇرلى. اتاپ ايتقاندا، ءبىر ورىنعا 9 كانديدات ۇمىتكەر بولىپ وتىرعان ايماقتار بار. كۋرچاتوۆ قالاسى، جامبىل وبلىسىنا قاراستى جۋالى اۋدانى، جەتىسۋ وبلىسىنىڭ كەربۇلاق اۋدانىندا، تۇركىستان وبلىسىنداعى بايدىبەك اۋدانىندا ءبىر ورىنعا ۇمىتكەر بولىپ وتىرعاندار كوپ. ەڭ ازى – اقمولا وبلىسىنىڭ جاقسى اۋدانى، اتىراۋ وبلىسىنا قاراستى يساتاي اۋدانى، قوستاناي وبلىسىنىڭ التىنسارين، قارابالىق جانە دەنيسوۆ اۋداندارىندا»، - دەپ ءمالىم ەتتى كونستانتين پەتروۆ.

ونىڭ دەرەگىنشە، تىركەلگەندەردىڭ 63 پايىزدان استامى ءوزىن-وزى ۇسىنعاندار بولسا، قالعان 36 پايىزدان كوبى ساياسي پارتيالاردىڭ اتىنان سايلاۋعا ءتۇسىپ جاتىر.

«ۇمىتكەرلەردىڭ ورتاشا جاسى – 47. ەڭ ۇلكەنى 1961 جىلى تۋعان، كىشىسى 1993 جىلى دۇنيەگە كەلگەن. كانديداتتاردىڭ باسىم بولىگى ەرلەر. سونىمەن بىرگە 13 ايەل ادام بار»، - دەدى كونستانتين پەتروۆ.

ۇسىنىلعان ۇمىتكەرلەردىڭ 63 پايىزى مەملەكەتتىك قىزمەتشىلەر، 6 پايىزدان استامى ۋاقىتشا جۇمىس ىستەمەيتىندەر. قالعاندارى ءتۇرلى سالالاردا ەڭبەك ەتىپ جۇرگەن ازاماتتار.

نۇرلان ءابدىروۆ اتىراۋ وبلىسىندا اۋدان اكىمدەرىنىڭ سايلاۋعا دايىندىق بارىسىن پىسىقتاعانىن جازدىق.