ەكولوگيا مينيسترلىگىنە ازاماتحان ءامىرتاي "تۇتىنۋشىلاردىڭ قۇقىقتارىن قورعاۋ تۋرالى" زاڭعا "ەكولوگيالىق تازا ونىمدەر ستاندارتىن" ەنگىزۋدى ۇسىنعان ەدى. ونىڭ پىكىرىنشە، «ەگەر تۇتىنۋشىلاردىڭ قۇقىعىن قورعايتىن بولساق، بۇل ەكولوگيالىق ءونىم ساپاسىن ارتتىرۋعا جانە ءونىم ءوندىرۋشى كاسىپكەرلەردى قولداۋعا جول اشادى» دەيدى.
ەۋروپا، امەريكاعا بارعانىمىزدا ەكولوگيالىق تازا ونىمدەردى كوپ كەزىكتىرەمىز. وندا بارلىق تازا ونىمدەر سۋپەرماركەتتەردىڭ سورەلەرىندە تولىپ تۇرادى. ءارى ولاردىڭ باعاسى حيميكات قوسىلعان تاعامدارعا قاراعاندا قىمباتىراق بولادى. وسى جۇيەنى ءوز زاڭىمىزعا دا ەنگىزسەك. ياعني، تازا ونىمدەردى بولەك، حيميكات قوسىلعان ونىمدەردى بولەك سورەلەرگە قويىپ، حالىققا كورسەتسەك. سوندا ءبىز ءبىر جاعىنان شارۋاشىلىقپەن اينالىساتىن كاسىپكەرلەرىمىزدى قولداعان بولار ەدىك. ەكىنشىدەن، ءقازىر اۋرۋحاناعا بارساق، كوپ ادام اسقازان اۋرۋىمەن ەمدەلەدى ەكەن. بۇل تۇتىنۋشىنىڭ قۇقىعى قورعالماعان دەگەن ءسوز. جاقىندا ءبىر جينالىستا «ءوزىمىزدىڭ تازا ونىمدەرىمىزدى شەتەلدەرگە جىبەرىپ، ءوزىمىز قىتايدىڭ ارزان، حيميكات قوسىلعان تاعامدارىن تۇتىنادى ەكەنبىز. زاڭدا وسى ماسەلەلەر قاداعالانسا دەيمىن، – دەيدى ساياساتكەر ازاماتحان ءامىرتاي.
پىكىر قالدىرۋ