مۇناي كومپانياسىنىڭ 100% اكسياسىنىڭ جالپى قۇنى 35،4 ملرد تەڭگەگە باعالانعان. "اكسيونەرلەر جالپى قۇنى 35 417 122 000 تەڭگەنى قۇرايتىن قوعامنىڭ 13 749 100 جاي اكسياسىن (100%) مەملەكەت مەنشىگىنە ەرىكتى تۇردە جانە وتەۋسىز وتكىزۋ تۋرالى شەشىم قابىلدادى"، – دەلىنگەن KASE قازاقستان قور بيرجاسىنىڭ سايتىندا.

ەسكە سالساق، تەرگەۋ شەڭبەرىندە جالپى قۇنى 90 ميلليارد تەڭگەدەن اساتىن اكتيۆتەردى، ونىڭ ىشىندە: مۇناي كەن ورنىن، گاز تاراتۋ كومپانياسىن، سەرۆيس سالاسىنداعى كاسىپورىندى، قوناق ءۇي جانە ساۋدا-ويىن-ساۋىق كەشەندەرىن، فيتنەس ورتالىقتار جەلىسىن، كەڭسە ءۇي-جايلارىن جانە باسقا دا اكتيۆتەردى مەملەكەت مەنشىگىنە ەرىكتى تۇردە قايتارۋ جونىندە شارالار قابىلدانعان.

 ۆەدوموستۆونىڭ مالىمدەۋىنشە، «بۇعان دەيىن قايرات بورانبايەۆ تابيعي گاز يمپورتى كەزىندە قاراجاتتى جىمقىرۋى بويىنشا تەرگەۋ اياسىندا 14،5 ميلليارد تەڭگە كولەمىندە ماتەريالدىق شىعىندى وتەگەن. اگەنتتىك زاڭسىز اكتيۆتەردى ىزدەۋ جانە قايتارۋ بويىنشا جۇمىستى جاسلعاستىرىلىپ جاتىر» دەپ جازىلعان حابارلامادا.

 ايگىلى  Forbes باسىلىمى بورانبايەۆتى قازاقستانداعى ەڭ ىقپالدى بەس كاسىپكەردىڭ قاتارىنا جاتقىزعان ەدى. باسىلىمدا ونىڭ قازاقستانداعى «ەسەنتاي مولل»، «راحات پالاس»، «المالى»، ت.ب ساۋدا ورتالىقتارىنا تولىق جانە جارتىلاي يەلىك ەتكەندىگى، شەتەلدە دە جىلجىمايتىن مۇلىكتەرى بار ەكەنى جازىلعان.