ق ر ىشكى ىستەر ءمينيسترىنىڭ ورىنباسارى يگور لەپەحا قازاقستاندا رەسپۋبليكا كۇنى ءوتۋى مۇمكىن ميتينگىلەر تۋرالى سۇراققا جاۋاپ بەردى:

– اسكەري كولوننا ءبىر جاققا بارا جاتسا – "سوعىس باستالدى"، پوليسەيلەر كولونناسىن كورسەك – "ميتينگ باستالدى" دەيمىز.

25 قازان بىزدە مەملەكەتتىك مەرەكە. ارينە، ءبىز وعان دايىندالىپ وتىرمىز. ىشكى ىستەر مينيسترلىگى كۇشەيتىلگەن قىزمەت تارتىبىنە كوشەدى. ءقازىر اكىمدىكتەن وتەتىن شارالاردىڭ ءبارى تۋرالى سۇراۋ الامىز، قوعامدىق ءتارتىپتى قامتاماسىز ەتەتىن بولامىز.

ميتينگكە شاقىرۋعا كەلسەك، دۆك مۇشەلەرىنىڭ شاقىرۋلارى بار. دۆك بىزدە ەكسترەميستىك ۇيىم دەپ تانىلعانىن ەسكەرتەمىن، ولاردىڭ قازاقستان اۋماعىنداعى ارەكەتتەرى زاڭسىز. ءبىز ولاردىڭ ەشقانداي دا ميتينگ وتكىزۋىنە جول بەرمەيمىز. بۇل ءبىر. ەكىنشىدەن، جەرگىلىكتى اتقارۋشى ورگاندارعا ميتينگ وتكىزۋ جونىندە ءوتىنىش بەرىپ جاتقان باسقا دا ازاماتتار بار، بىزدە ميتينگتەر الدىن-الا ەسكەرتۋ تارتىبىمەن ۇيىمداستىرىلادى. ەگەر ميتينگتىڭ ماقساتى مەن وتەتىن ورنى زاڭعا ساي بولسا، وعان رۇقسات بەرىلسە، ءبىز وندا ءتارتىپتى كۇزەتەمىز. ەگەر الاۋىزدىققا، مەملەكەتتىڭ كونستيتۋسيالىق قۇرىلىمىن وزگەرتۋگە شاقىراتىن ۇراندار بولسا، ءبىز شارا قولدانامىز، – دەدى ءىىم ورىنباسارى يگور لەپەحا.