باعلان الشىنبايەۆ ساتبايەۆ قالاسىنداعى №2 ءورت ءسوندىرۋ بولىمشەسىندە قاراۋىل باستىعى بولىپ قىزمەت ىستەيدى.

– ءبىزدىڭ قىزمەتىمىز – ادامداردى قۇتقارۋ. مەن 2009 جىل­دان بەرى وسى سالادامىن. قا­تارداعى ءورت ءسوندىرۋشى بولىپ كىرگەن ەدىم، كەيىن بولىمشە كو­مان­ءديرى بولدىم. بىلتىردان بە­ءرى قاراۋىلعا باسشىلىق جاساي­مىن. قىزمەتىمىزدى ورىندا­عانىمىز ءۇشىن حالىق العىسىن جاۋدىرىپ جاتادى. ءبىراق بىردە-بىر ايەلدەن العىس ورنىنا ايقاي ەستىگەن كەزىمىز دە بولعان، – دەپ باستادى اڭگىمەسىن باعلان.

ورتەنىپ جاتقان ءۇيدىڭ ءبىر بولمەسىندە تۇتىنگە تۇنشىعىپ ءولىم حالىندە جاتقان، اۋزىنان اراقتىڭ ءيسى مۇڭكىپ تۇرعان جىگىت اعاسىن قۇتقارۋشىلار سىرتقا شىعارىپ، جاردەم كورسەتىپ، امان الىپ قالادى. سول ساتتە ءۇيدىڭ ورتەنىپ جاتقانىن ەستىگەن الگى كىسى­ءنىڭ ايەلى جۇمىسىنان سۇرانىپ كەلەدى دە، كۇيەۋىنىڭ ءولىم اۋزى­نان امان قالعانىن ەستيدى. سو­سىن قۋانۋدىڭ ورنىنا اشۋعا بەرى­ءلىپ، قۇتقارۋشىلارعا «بۇل پالە­ءنى نەمەنەگە قۇتقاردىڭدار؟ ءول­مە­سە نەگە ومىرەم قاپپادى؟» دەپ كادىمگىدەي ۇرسىپ-ۇرسىپ تاستايدى.

– مۇندايدى ءبىرىنشى رەت كورۋىمىز عوي. ءبارىمىز ءبىرتۇرلى بولىپ قالدىق. سويتسەك، ءبىز قۇتقارعان ادام ايەلىنىڭ تاپقان-تايانعانىن اراققا سالىپ، جانجال شىعارعاننان باسقا ەشتەڭەمەن شارۋاسى جوق، ابدەن جۇيكەسىنە تيگەن جان بولىپ شىقتى، دەيدى باعلان.

قۇتقارۋشىلار ومىرىندە سان ءتۇرلى جاعدايلار كەزدەسەدى. ارينە، ادامعا اراشا ءتۇسىپ، اجال­دان، مايىپ بولۋدان قۇتقا­رىپ قالۋ – قاستەرلى مىندەت. سول ءۇشىن دە ەل العىسىنا بولەنەسىڭ. دەگەنمەن اراسىندا باعلان ايتقانداي، «ايقاي» ەستىپ قالا­تىن دا كەزدەر دە بولادى ەكەن. قۇتقارۋشىلار ءومىرى سونىسىمەن دە قىزىق شىعار،
بالكىم؟

ۇلىتاۋ وبلىسى،
ساتبايەۆ قالاسى