پروكۋرورلار «بايقوڭىر» الەۋمەتتىك كاسىپتىك كورپوراسياسى» اكك قىزمەتىنە تەكسەرۋ جۇرگىزدى. ناتيجەسىندە، «اگرو حولدينگ «بايقوڭىر» ج ش س (اكك-نىڭ ەنشىلەس ۇيىمى) «مەگا اگرو» جشس-دان (بۇدان ءارى – جەتكىزۋشى) 2400 توننا كۇرىش استىعىن 120 ملن تەڭگەگە ساتىپ الۋ تۋرالى 02.03.2018ج. كەلىسىم-شارت جاساعانى انىقتالدى. قاراجات تولىق كولەمدە اۋدارىلعان.

شارت تالاپتارىنا سايكەس تاۋار 30.09.2018ج. دەيىن جەتكىزىلۋى ءتيىس.

"ءوز كەزەگىندە جەتكىزۋشى ءوز مىندەتتەرىن تولىق ورىنداماي، 101 ملن تەڭگە مەملەكەت قاراجاتىن باس پايداسىنا شىعىنداعان. ودان بولەك سول مەرزىمدە كورسەتىلگەن 2 سەرىكتەستىكتىڭ باسشىسى م.ەسپانوۆ بولعان. وسىلايشا م.ەسپانوۆ مەملەكەتتiك فۋنكسيالاردى ورىنداۋعا ۋاكiلەتتىك بەرىلگەن ادام بولا تۇرا، وزىنە تيەسىلى «مەگا اگرو» ج ش س ارقىلى بيۋدجەت قارجىسىن جىمقىرۋ ماقساتىندا اففيليرلەنگەن شارت جاساعان. بۇل فاكت بويىنشا وبلىس پروكۋراتۋراسى 19.08.2022ج. قك-نىڭ 189-بابى 4-بولىگىنىڭ 2-تارماعىمەن قىلمىستىق ءىس تىركەدى"، دەلىنگەن وبلىس پروكۋراتۋراسىنىڭ رەسمي حابارلاماسىندا. 

تەرگەۋ بارىسىندا م.ەسپانوۆقا قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسى تاڭدالدى، ونىڭ ارەكەتى قك-نىڭ 361-بابى 4-بولىگىنىڭ 3-تارماعىنمەن قايتا سارالانىپ، ول كىناسىن تولىق كولەمدە مويىندادى جانە قىلمىستىق ءىس سوتقا جولداندى.

جالاعاش اۋدانى سوتىنىڭ 03.10.2023ج. ۇكىمىمەن م.ەسپانوۆقا 3 جىل 6 اي مەرزىمگە باس بوستاندىعىن شەكتەۋ تۇرىندەگى جازاسى تاعايىندالدى (ۇكىم زاڭدى كۇشىنە ەندى).

مەملەكەتكە كەلتىرىلگەن 101 ملن تەڭگە كولەمىندەگى زالال تولىق كولەمدە ءوندىرىلدى.