News & World Report زەرتتەۋىنىڭ ناتيجەسى بويىنشا، قازاقستان اسكەر كۇشى بويىنشا 87 ەلدىڭ اراسىندا 19-ورىندا، وزبەكستان (18-ورىن) مەن ءباا (20-ورىن) اراسىندا.

بەلارۋس 12ء-شى، ازەربايجان 24-ورىنعا تابان تىرەدى. 

يزرايل 4-ورىندا، ال ۋكراينا 6-ورىندا. ولاردان بولەك الەمدەگى اسكەرى ەڭ مىقتى 10 ەلدىڭ قاتارىنا وڭتۇستىك كورەيا، يران، ۇلىبريتانيا، گەرمانيا جانە تۇركيا كىرەدى.

ليۋكسەمبۋرگ، سينگاپۋر جانە ەستونيانىڭ قارۋلى كۇشتەرى ەڭ ءالسىز دەپ تانىلدى.

وزبەكستان اسكەري كۇش بويىنشا قازاقستاننان تيىسىنشە 0،2 بالعا الدا، وزبەكستاندا 16 بالل، قازاقستاندا 15،8 بالل. سونىمەن قاتار، قازاقستان بۇعان دەيىن ەكى جىل قاتارىنان اسكەري كۇش بويىنشا كورشىلەس ەلدەن الدا بولدى: 2021 جىلى — 25،6 بالل جانە 21،5 بالل، 2022 جىلى — 12،6 بالل جانە 10،8 بالل.

اسكەرى كۇشتى ەلدەردىڭ ىشىندە اقش 2021 جىلى 97،4 بالل جيناپ، ەكىنشى ورىندى 97،6 بالى بار قىتايدان تارتىپ الدى جانە بۇل ورىندى ءۇشىنشى جىل قاتارىنان ۇستاپ تۇر.

ايتا كەتەيىك، ۋكراينا ءوز پوزيسياسىن ايتارلىقتاي نىعايتتى: زەرتتەۋگە سايكەس، 2023 جىلى ول 73،6 بالل جيناسا، 2022 جىلى بۇل كورسەتكىش 65،6 بالل، 2021 جىلى نەبارى 38،6 بالل بولعان.

ستوكگولمداعى حالىقارالىق بەيبىتشىلىكتى زەرتتەۋ ينستيتۋتىنىڭ (SIPRI) مالىمەتىنشە، قازاقستان ورتالىق ازيانىڭ اقپارات بەرگەن ەلدەرىنىڭ ىشىندە ەڭ جوعارى اسكەري بيۋدجەتكە يە. ماسەلەن، 2022 جىلى ول 1،1 ملرد اقش دوللارىن قۇراسا، قىرعىزستان مەن تاجىكستاندا بۇل كورسەتكىش تيىسىنشە 149،8 ملن اقش دوللارى جانە 103،5 ملن اقش دوللارى. سونىمەن قاتار، inbusiness.kz سايتىنىڭ حابارلاۋىنشا، قازاقستان اسكەري قاجەتتىلىكتەرگە جۇمسالاتىن شىعىستاردى ايتارلىقتاي ۇلعايتۋدى جوسپارلاپ وتىر — 1،2 ترلن تەڭگەگە دەيىن (قازىرگى باعام بويىنشا شامامەن 2،4 ملرد اقش دوللارى).

سونىمەن قاتار، SIPRI مالىمەتىنشە، قازاقستاننىڭ اسكەري بيۋدجەتى 30% قىسقاردى، ال كورشىلەرى تاجىكستاندا 26،6% جانە قىرعىزستاندا 12،3% ءوستى.

وزبەكستاننىڭ اسكەري شىعىندارى تۋرالى قازىرگى مالىمەت جوق، ءبىراق 2018 جىلعى كورسەتكىشتەردى سالىستىراتىن بولساق، ءور-نىڭ اسكەري بيۋدجەتى 1،4 ملرد دوللاردى قۇرادى، ول سول كەزدەگى قازاقستانداعىدان 3،9% تومەن بولدى.

الەمدەگى اسكەرى ەڭ قۋاتتى ەلدەردىڭ اسكەري شىعىندارى ايتارلىقتاي وزگەرەدى. 2022 جىلى رەسەيدىڭ اسكەري شىعىنى 86،4 ملرد اقش دوللارىن قۇرادى، بۇل اقش-تىڭ 876،9 ملرد اقش دوللارىنان 10 ەسە از. قىتايدىڭ اسكەري شىعىنى 292 ملرد اقش دوللارىن قۇرادى. ايتا كەتۋ كەرەك، ءقازىردىڭ وزىندە ايتارلىقتاي سومالارعا قاراماستان، ءۇش ەل دە اسكەرگە جۇمسالاتىن شىعىنداردى ۇلعايتتى: اقش پەن جۇڭگو تيىسىنشە 8،8% جانە 2،1%، ال رەسەي شامامەن ۇشتەن بىرگە كوبەيتتى.

ايتا كەتەيىك، ۋكراينانىڭ 2022 جىلعا ارنالعان اسكەري شىعىنى، SIRPI مالىمەتىنشە، 44 ملرد اقش دوللارى، بۇل 2021 جىلمەن سالىستىرعاندا 7،4 ەسە كوپ.