الماتى مەن تۇركىستاندا تەرروريزمدى ناسيحاتتادى دەگەن كۇدىكپەن ەكى ەر ادام ۇستالدى، – دەپ حابارلايدى Polisia.kz.

الماتى قالاسىنىڭ پوليسيا دەپارتامەنتى ۇقكد-مەن بىرگە تەرروريزم يدەيالارىن ناسيحاتتادى دەگەن كۇدىكتىنى قۇرىقتادى.

ۇستالعان ادام قازاقستان رەسپۋبليكاسىندا تىيىم سالىنعان “حيزب-ۋت-تاحرير ءال-يسلامي” دىني-ەكسترەميستىك ۇيىمىنىڭ جاقتاۋشىسى. سونىمەن قاتار تۇركىستاندا وبلىستىق پد قىزمەتكەرلەرى پروكۋراتۋرانىڭ ۇيلەستىرۋىمەن تەرروريزم يدەيالارىن ناسيحاتتادى دەگەن كۇدىكپەن جەرگىلىكتى تۇرعىندى ۇستادى. ەر ادام قازاقستاندا سوت شەشىمىمەن تىيىم سالىنعان “دايش” حالىقارالىق تەرروريستىك ۇيىمى يدەولوگياسىنىڭ جاقتاۋشىسى.

كۇدىكتىلەردىڭ تۇرعىلىقتى جەرىن ءتىنتۋ كەزىندە ءدىني ادەبيەتتەر مەن وزگە دە زاتتاي دالەلدەمەلەر تاركىلەندى.

قىلمىستىق كودەكستىڭ 256-بابىنىڭ 1-بولىگى “تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ” بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. تەرگەۋ ۋاقىتىندا ۇستالعاندارعا قاماۋعا الۋ تۇرىندەگى بۇلتارتپاۋ شاراسى تاڭدالدى.