كومپانياعا قاتىستى تەكسەرۋدى باسەكەلەستىكتى قورعاۋ جانە دامىتۋ اگەنتتىگى مەن پروكۋراتۋرا جۇرگىزگەن.
««Air Astana» اۆياكومپانياسى ۇشىپ شىققان كۇنى نەمەسە جاقىن كۇندەردەگى اۆيابيلەتتەر ساتىپ الىنعان كەزدە جولاۋشىلاردىڭ بارلىق ساناتتارىنان 3500-دەن 6500 تەڭگەگە دەيىنگى مولشەردە جانارماي الىمىن نەگىزسىز العانى انىقتالدى. ونى قولدانۋدىڭ ماقساتى مەن قاعيداتىن ءىس جۇزىندە رەتتەمەگەن»، دەپ حابارلادى اگەنتتىك وكىلدەرى.
ناتيجەسىندە اۆياتاسىمالداۋشى 876 ملن تەڭگەدەن استام سوماعا اكىمشىلىك جاۋاپكەرشىلىككە تارتىلدى.
كومپانياعا ىشكى رەيستەردىڭ باعاسىن 2024 جىلدىڭ سوڭىنا دەيىن كوتەرمەۋگە جانە 2023 جىلدىڭ 6 جەلتوقسانىنان باستاپ جانارماي الىمىن الىپ تاستاۋعا مىندەتتەلدى. سونىمەن قاتار، اگەنتتىك جانارماي تولەمىن مۇلدەم الىپ تاستاۋ ءۇشىن زاڭعا تۇزەتۋلەر ەنگىزۋدى قولعا الا باستادى.
پىكىر قالدىرۋ