جۋرناليست قانات تىلەۋحاننىڭ مارقۇم تەاتر رەجيسسەرى، دراماتۋرگ، قوعام قايراتكەرى بولات اتابايەۆ تۋرالى "مىڭ جىلدىق ويىن" اتتى دەرەكتى فيلم كورەرمەنگە جول تارتاتىنىن حابارلادى. بۇل تۋرالى جۋرناليست ءوزىنىڭ فەيسبۋك پاراقشاسىندا جازدى. 

“ەندى وزدەرىڭىزدىڭ نازارلارىڭىزعا ۇسىنعىمىز كەلەدى. وسى فەيسبۋكتە العاش ايتىلدى. قولداۋ دا تاپتى. سول ءۇشىن ماقسات تولىقباي باۋىرىما ءتاڭىر جارىلقاسىن دەيمىز.

ادەتتە، پرەمەرانى كاسسالىق كوركەم فيلمدەر جاساپ جاتادى. دەرەكتى فيلم شەتتەپ قالعالى قاشان. ءبىراق بۇل وتە قاجەت دۇنيە.

2021 جىلى بولات اتابايەۆتىڭ 70 جىلدىعى ەدى. سوعان وراي تۇسىرسە دەگەن اۋەلدە وي بولعان. ءبىراق ونىڭ رەتى بيىل كەلدى.

بولات اعامەن العاش تەليەۆيدەنيەنىڭ جاڭالىقتار قىزمەتىندە جۇرگەن كەزدە تانىسىپ ەدىم. «قازاق جۋرناليستەرى سيىر سياقتى شورىلداتىپ سيگەندەي عىپ جازۋدى قاشان قوياسىڭدار. پروبلەمانى بىردەن ناقتى جازبايسىڭدار ما» دەيتىن. «مىڭ جىلدىق ويىندى» ءبىتىرىپ الىپ، بىرنەشە رەت قاراپ شىقتىق. بولات اعا ءوزى كورسە، نە بولار ەدىك دەپ ويلاپ كەتتىم دە شوشىپ كەتتىم”، – دەپ جازدى قانات تىلەۋحان.

پرەمەرانىڭ ۋاقىتى: 21 جەلتوقسان، ساعات 18:30-دا. مەكەن جايى: الماتى قالاسى، بارىبايەۆ كوشەسى 36، ترانسفورم ونەر كەڭىستىگى. كىرۋ تەگىن.