«اگرارلىق نەسيە كورپوراسياسى» اق اقتوبە فيليالى ديرەكتورىنىڭ بۇرىنعى ورىنباسارى الاياقتىق ارەكەتى ءۇشىن سوتتالدى.
قما باسپا ءسوز قىزمەتىنىڭ مالىمەتىنشە، سوتقا دەيىنگى تەرگەپ-تەكسەرۋ بارىسىندا شارۋا قوجالىعى باسشىسىنىڭ شەتەلدەن اكەلىنگەن 277 باس اسىل تۇقىمدى مالدى ساتىپ الۋ ءۇشىن «سىباعا» باعدارلاماسى بويىنشا نەسيە جەلىسىن اشۋ تۋرالى وتىنىشپەن كورپوراسيا فيليالىنا جۇگىنگەنى انىقتالدى.
"وعان 90 ملن تەڭگە كولەمىندە نەسيە قاراجاتى ءبولىندى. وسىدان كەيىن سوتتالعان ازامات شارۋا قوجالىعىنىڭ باسشىسىن الداۋ ارقىلى جشس-مەن رەسەيدەن مال ساتىپ الۋ-جەتكىزۋ تۋرالى شارت جاساتقان"، – دەدى قما رەسمي وكىلى الىبەك ءابدىلوۆ.
شارۋا قوجالىعىنىڭ باسشىسى ەسەپ ايىرىسۋ شوتىنا 90 ملن تەڭگە اۋدارعان، ءبىراق بۇل قاراجاتتى كورپوراسيانىڭ اقتوبە فيليالى ديرەكتورىنىڭ ورىنباسارى جەكە قاجەتتىلىكتەرىنە جۇمساعان. ول 5 جىلعا باس بوستاندىعىنان ايىرىلدى.
پىكىر قالدىرۋ