قازاقستان "تاليباندى" تىيىم سالىنعان ۇيىمدار تىزىمىنەن الىپ تاستايدى. بۇل تۋرالى قازاقستاننىڭ سىرتقى ىستەر مينيسترلىگىنىڭ رەسمي وكىلى ايبەك سمادياروۆ inform.kz سايتىنا بەرگەن سۇحباتىندا ايتقان.
- قازاقستان ەلدە تىيىم سالىنعان تەرروريستىك ۇيىمداردىڭ ۇلتتىق تىزىمىنە ۇنەمى ريەۆيزيا جۇرگىزەدى. اتالعان ۇدەرىس شەڭبەرىندە بۇۇ تاجىريبەسىنە سايكەس، ودان "تاليبان قوزعالىسىن" الىپ تاستاۋ تۋرالى شەشىم قابىلداندى. بۇۇ قاۋىپسىزدىك كەڭەسىنىڭ ورىنداۋعا مىندەتتى قارارلارىنا سايكەس، "تاليبان قوزعالىسى" بۇۇ قاۋىپسىزدىك كەڭەسى تەرروريستىك دەپ تانىعان ۇيىمداردىڭ تىزىمىندە جوق، – دەگەن ايبەك سمادياروۆ.
سونداي-اق ايبەك سمايدياروۆتىڭ ايتۋىنشا، "تاليبان" ءتۇرلى ەلدەرمەن، سونىڭ ىشىندە قازاقستانمەن ديپلوماتيالىق قارىم-قاتىناس ورناتۋعا جانە الەمدىك جۇرتشىلىق الدىندا ءوزىن اقتاۋعا تىرىسادى. ۇيىم كورشى ەلدەرمەن ساۋدا قارىم قاتىناسىن جاقسارتۋعا تىرىسىپ جاتىر.
پىكىر قالدىرۋ