جەر سىلكىنىسىنىڭ ەپيسەنترى الماتى قالاسىنان وڭتۇستىك-شىعىسقا قاراي 264 كم جەردە ورنالاسقان قازاقستان مەن قىرعىزستان شەكاراسى.

جەر سىلكىنىسىنىڭ ەنەرگەتيكالىق كلاسى 15.1.

MPV ماگنيتۋداسى 6.7.

ەپيسەنتردىڭ كوورديناتتارى 41.32° س. ە. 78.61° س.ب.

تەرەڭدىگى 65 كم.

سەزگىشتىگى تۋرالى مالىمەتتەر (MSK -64 شكالاسى بويىنشا): الماتى 5 بالل، شىمكەنت 2 بالل.

ءوزارا ءىس-قيمىل الگوريتمىنە سايكەس ءتيىستى مەملەكەتتىك ورگاندار حاباردار ەتىلدى، بۇزۋشىلىقتاردىڭ بولۋىنا، تىرشىلىكتى قامتاماسىز ەتۋ وبەكتىلەرىنىڭ جۇمىس ىستەۋىنە مونيتورينگ جۇرگىزىلۋدە.
پوليسيا دەپارتامەنتىنىڭ جەدەل كەزەكشىسىنە قالانىڭ عيماراتتارى مەن قۇرىلىستارىن قيراۋ مەن زاقىمدانۋ تۇرعىسىنان كوزبەن شولىپ قاراۋ تۋرالى اقپارات جيناۋ ءۇشىن اقپارات جەتكىزىلدى

الماتىلىقتار ءۇيىن تاستاپ كەتۋگە اسىقتى. ءۇش ادام تۇرعىن ءۇيدىڭ ەكىنشى جانە ءۇشىنشى قاباتىنان سەكىرگەندە جارالانعان.  ەكى ادام امبۋلاتورلىق ەم الۋعا جىبەرىلدى. ءۇشىنشى ناۋقاستىڭ جاعدايى اۋىر، ءقازىر ول اۋرۋحانادا جاتىر.

قالادان شىعاتىن جولداردا كولىك كەپتەلىسى، جانارماي قۇيۋ بەكەتتەرىندە ۇزىن سونار كەزەك پايدا بولعان. تاعى جەر استى دۇمپۋلەرى بولادى دەپ قورىققان تۇرعىندار قالادان كەتۋگە اسىقتى.