رەسەيدى 20 جىلدان استام ۋاقىت بويى ءبىر ءوزى ءالى بيلەپ-توستەپ وتىرعان پۋتين الداعى ناۋرىزدا تاعى ءبىر رەت سايلانىپ الايىن دەپ وتىر.

25 قاڭتارعا دەيىن بوريس نادەجدين دەگەن كانديداتقا 100 مىڭ قول جيناپ بەرۋ ءۇشىن رەسەيلىكتەر ۇزىن-سونار كەزەكتە تۇر.

نادەجدين سوعىسقا قارسى ەكەنىن مالىمدەگەن بولاتىن. ەندەشە نادەجدينگە قول جيناپ بەرۋ رەسەيلىكتەر ءۇشىن سوعىسقا قارسى ەكەنىن ءبىلدىرۋدىڭ جالعىز زاڭدى جولى.

ءبىراق نادەجدين كرەملدىڭ رۇقساتىمەن، كەلىسىمىمەن پايدا بولعان جالعان كانديدات. پۋتينگە شىن قارسىلاس بولاتىن ادامدى رەسەي بيلىگى ولسە دە سايلاۋعا جولاتپايتىنى بەلگىلى. ناۆالنىي تۇرمەدە وتىر.

"سوعىستى قولدامايمىن" دەيتىن كانديداتتى كرەمل بوسقا شىعارعان جوق. رەسەيدە "سوعىسقا قارسىمىن" دەيتىندەردىڭ سانى وتە از ەكەنىن جۇرت كورسىن دەمەك بولعان.

ەندى وزدەرى جايسىز جاعدايدا قالدى. "حالىقتىڭ دەنى ءپۋتيندى، سوعىستى قولدايدى" دەگەن الەۋمەتتىك زەرتتەۋلەرىنىڭ وتىرىك ەكەنى ءبىلىنىپ قالدى. سويتسە، سوعىستى قولدامايتىن ورىس وتە كوپ ەكەن. ەندى بيلىك قاجەتتى قولدى ارتىعىمەن جيناعانىنا قاراماستان نادەجديندى كانديدات ەتىپ تىركەمەي قويۋدىڭ امالىن دايىنداپ وتىر. ءقاۋىپتى ويتكەنى.

بەلورۋسسياداعى پرەزيدەنت سايلاۋىندا بيلىك "ءۇي شارۋاسىنداعى ايەل عوي، ونى كىم قولدايدى دەيسىڭ" دەپ مەنسىنبەگەن تيحانوۆسكايا جەڭگەن. ءبىراق لۋكاشەنكو ونىڭ جەڭىسىن ۇرلاپ، "لۋكاشەنكو جەڭدى" دەپ جاريالاتتى.

رەسەي سياقتى سسسر-دەن قالعان ەلدەردىڭ كوبىندە نادەجدين، تيحانوۆسكايا، قوسانوۆ سياقتىلار حالىقتىڭ 100% داۋىسىن يەلەنسە دە پرەزيدەنت بولمايدى.