"جەدەل حابارلاندىرۋ جىبەرۋ كەزىندە، تاجىريبە كورسەتكەندەي، بۇل حابارلامالار قالا تۇرعىندارىنا كەش كەلەدى، ويتكەنى بۇل حالىقتىڭ تىعىزدىعىنان، جەلى وپەراتورلارى اقپاراتتى وڭدەۋگە ۇلگەرمەيدى. تيىسىنشە، مۇنداي اقپارات كەش بارادى. ءبىز بىرتە-بىرتە مۇنداي اقپارات تاراتۋ تاجىريبەسىنەن الىستادىق. باق-تا جەر سىلكىنىسى تۋرالى اقپارات 00:11-دە پايدا بولدى. وسىدان كەيىن، الەۋمەتتىك جەلىلەردە جەر سىلكىنىسى تۋرالى حابارلانعان كەزدە، ءبىز اقپاراتتى بىرتىندەپ بەرىپ، تىنىشتاندىردىق.

سيرەناعا كەلەتىن بولساق، ءبىزدىڭ قالادا شامامەن 843 ەلەكترسيرەنا بار، بۇل 100 پايىز قامتيدى. سيرەنالار ماگنيتۋداسى 5،5 بالدان اساتىن دۇمپۋلەردى سەيسموستانسيالار تىركەگەن كەزدە عانا ىسكە قوسىلادى دەسەك. بۇل جاعدايدا بىزدە 4-تەن 5 باللعا دەيىن، سوندىقتان سيرەنالاردى قوسۋدىڭ قاجەتى دە، ماعىناسى دا بولمادى. ءبىز دۇربەلەڭ تۋدىرعىمىز كەلمەدى جانە مەنىڭ ويىمشا، ودان كوبىرەك شۋ بولار ەدى"، - دەدى تجد باستىعى.